Ministry for the Economy, Enterprise and Strategic Projects of the Republic of Malta

01/25/2026 | Press release | Distributed by Public on 01/26/2026 12:17

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI

Wara li l-Ministru ħatar bord a tenur tal-artiklu 3 u 4 tal-Att dwar l-inkjesti (kapitolu 274 tal-liġijiet ta' Malta) sabiex jiġu stabbiliti l-fatti, il-proċessi, il-proċeduri u s-sistemi tal-MCAST dwar:

a) Il-payroll bil-għan li jiġu stabbiliti r-responsabbiltajiet amministrattivi, ċivili u/jew kriminali fejn ikun applikabbli;
b) Li jiġi investigat u stabbilit jekk kienx hemm relazzjoni bejn il-proċessi, il-proċeduri u d-deċiżjonijiet meħuda minn uffiċjali tal-MCAST għal dan il-każ ta' frodi u miżapproprjazzjoni ta' fondi pubbliċi;
c) Li jiġi stabbilit jekk fis-sistema kurrenti utilizzati mill-MCAST hemmx mekkaniżmu awtomatiku li jidentifika attivitajiet suspettużi jew ta' natura li ma tirriflettix governanza tajba;
d) Il-Bord ta' Inkjesta hu awtorizzat jaħtar kwalunkwe espert li jkun meħtieġ;
e) Sabiex tislet il-konklużjonijiet u jitressqu dawk ir-rakkomandazzjonijiet neċessarji, kemm regolatorji kif ukoll amministrattivi fl-MCAST.

Dan il-bord żamm diversi seduti fejn sema' diversi xhieda u eżamina diversi dokumenti sabiex ħejja r-rapport li jingħata lill-ministeru.

Il-Bord ħejja rapport tekniku li jelenka x-xogħol li sar mill-istess bord, wettaq analiżi tar-rapporti esebiti, kif ukoll opinjoni fuq ix-xhieda li sema'. Saru konklużjonijiet dwar livelli ta' tmexxija u amministrazzjoni tal-MCAST u l-governanza tal-istess entità. Il-Bord ta' Gvernaturi għandu dmir li jara li l-eżekuttiv jimplimenta u jeżegwixxi r-rakkomandazzjonijiet ta' dan l-istess rapport.

Ir-rapport jisħaq li l-problemi relatati ma' payroll ġew analizzati u instabu li mhumiex ta' livell għoli. L-inkjesta nnutat illi jidher li din il-problema qed tingħata l-attenzjoni dovuta u hu mistenni li ma tirrepetix ruħha.

Il-Bord ikkonstata li aspetti li għandhom x'jaqsmu mal-finanzi u payroll u b'mod ċar indika li dawn iridu jitjiebu u jingħataw l-attenzjoni dovuta.

Ir-rapport huwa ċar u jindika li l-livell tal-amministrazzjoni u governanza għandhom jitjiebu billi jkun hemm tibdil neċessarju li ma jħares lejn wiċċ ħadd. Is-sistemi, l-istrutturi, il-kompożizzjoni, l-irwoli u l-proċeduri għandhom jiġu riveduti u fejn hemm bżonn mibdula.

Jiġi nnutat ukoll li ma kienx hemm rappurtaġġ korrett minn uffiċjali tal-Kulleġġ lejn il-Ministeru u uffiċċji oħra varji dwar l-implimentazzjoni tar-rapport tal-Uffiċju Nazzjonali tal-Verifika (NAO). Abbażi ta' dan ir-rapport ser ikun hemm proċeduri dixxiplinarji kontra individwi li b'xi mod jew ieħor naqsu fil-qadi ta' dmirijiethom.

Il-Ministeru se jassigura li jkun hemm implimentazzjoni tal-istess rapport min-naħa tal-MCAST fir-rispett ta' proċeduri paralleli li diġà għaddejjin fil-qrati ta' Malta. Sabiex jiġi evitat kull ekwivoku ma' din l-istqarrija qed tiġi annessa l-covering letter tal-istess inkjesta.



​

Ministry for the Economy, Enterprise and Strategic Projects of the Republic of Malta published this content on January 25, 2026, and is solely responsible for the information contained herein. Distributed via Public Technologies (PUBT), unedited and unaltered, on January 26, 2026 at 18:17 UTC. If you believe the information included in the content is inaccurate or outdated and requires editing or removal, please contact us at [email protected]