НАССР-ын тогтолцооны аудит хийгдэж байна

✅Аудитыг холбогдох стандарт, хууль тогтоомж, удирдамжид заасан шалгуурын хүрээнд зохион байгуулж байгаа бөгөөд аудитын явцад байгууллагын удирдлага, үүрэг хариуцлага, эрх мэдлийн зохицуулалт, эрсдэл болон боломжийн үнэлгээ, хүнсний аюулгүй байдлын зорилт, төлөвлөлт, урьдчилсан нөхцөлт хөтөлбөрийн хэрэгжилт, НАССР-ын төлөвлөгөө, аюулын шинжилгээ болон хяналтын арга хэмжээ зэрэг үндсэн чиглэлүүдийг үнэлж байна.

✅Мөн түүхий эд, бүтээгдэхүүний үйлдвэрлэл болон үйл ажиллагааны хяналт, баримтжуулалт, бүртгэл, мэдээллийн удирдлага, хяналт-шинжилгээ, хэмжилт, дотоод үнэлгээ, үл тохирол, залруулах арга хэмжээ болон тасралтгүй сайжруулалтын хэрэгжилтийг газар дээр нь шалган үнэлж байна.

✅Аудитын явцад холбогдох баримт бичиг, бүртгэл, ажилтнуудын ярилцлага болон газар дээрх бодит хэрэгжилтэд үндэслэн нотолгоо цуглуулж, НАССР-ын тогтолцооны хэрэгжилт, үр нөлөөг үнэлэх ажил үргэлжилж байна.