Ministry of Foreign Affairs of the Republic of Armenia

12/12/2025 | Press release | Distributed by Public on 12/12/2025 07:11

ՀՀ ԱԳ նախարարի տեղակալ Վահան Կոստանյանի հանդիպումը Բենիլյուքսի ԱԳ նախարարությունների քաղաքական տնօրենների հետ

ՀՀ ԱԳ նախարարի տեղակալ Վահան Կոստանյանի հանդիպումը Բենիլյուքսի ԱԳ նախարարությունների քաղաքական տնօրենների հետ

12 դեկտեմբերի, 2025

Դեկտեմբերի 11-ին ՀՀ ԱԳ նախարարի տեղակալ Վահան Կոստանյանը հանդիպել է Բենիլյուքսի՝ Բելգիայի, Նիդեռլանդների և Լյուքսեմբուրգի ԱԳ նախարարությունների քաղաքական տնօրենների հետ:

Հանդիպման ընթացքում գոհունակությամբ ընդգծվել է Հայաստանի և Բենիլյուքսի երկրների միջև առկա քաղաքական երկխոսության բարձր մակարդակը, անդրադարձ է կատարվել բազմոլորտ համագործակցության զարգացման հեռանկարներին:

Հայաստանի ժողովրդավարության դիմակայունության հետագա ամրապնդման համատեքստում անդրադարձ է կատարվել խառնածին սպառնալիքներին արդյունավետ հակազդելու մեխանիզմներին՝ ընդգծելով համագործակցության կարևորությունը:

Կողմերը գոհունակությամբ ընդգծել են ընթացիկ տարվա դեկտեմբերի 2-ին «ՀՀ-ԵՄ գործընկերության ռազմավարական օրակարգ» փաստաթղթի ստորագրման հանգամանքը: Քննարկվել են Հայաստանի և Եվրոպական Միության միջև ընդլայնվող օրակարգին առնչվող մի շարք հարցեր:

Մտքեր են փոխանակվել Հայաստանում 2026թ. կայանալիք Եվրոպական քաղաքական համայնքի 8-րդ գագաթնաժողովի անցկացման շուրջ:

Քննարկվել են տարածաշրջանային զարգացումներին առնչվող հարցեր, անդրադարձ է կատարվել Հայաստանի և Ադրբեջանի միջև հաստատված խաղաղության հետագա ինստիտուցիոնալիզացման անհրաժեշտությանը:

ՀՀ ԱԳ նախարարի տեղակալը գործընկերներին է ներկայացրել ՀՀ Կառավարության «Խաղաղության խաչմերուկ» նախագծի և դրա կարևոր բաղադրիչ «ԹՐԻՓՓ ուղի» ծրագրի առանցքային նշանակությունը՝ Հարավային Կովկասում և դրանից անդին փոխկապակցվածության ընդլայնման հարցում:

Ministry of Foreign Affairs of the Republic of Armenia published this content on December 12, 2025, and is solely responsible for the information contained herein. Distributed via Public Technologies (PUBT), unedited and unaltered, on December 12, 2025 at 13:11 UTC. If you believe the information included in the content is inaccurate or outdated and requires editing or removal, please contact us at [email protected]