Forvitnir spírar vitja

Børn úr skúlabólkinum frá Býlingshúsinum Millum Gilja vóru í vikuni og vitjaðu landstýrismannin í barna- og útbúgvingarmálum.

Djóni Nolsøe Joensen, landsstýrismaður, greiddi frá, hvat tað merkir at vera landsstýrismaður, og hvussu tann politiska skipanin virkar.

Landsstýrismaðurin er áhugaður í at hoyra, hvat børn hava at siga. Børnini settu fleiri viðkomandi spurningar og komu eisini við sínum tankum um, hvat tey høvdu gjørt, um tey vóru landsstýrisfólk.

Vit í Barna- og útbúgvingarmálaráðnum fegnast um, at dagstovnar og skúlar koma á at vitja. Til ber altíð at senda inn brøv til landsstýrismannin og eisini at vitja í ráðnum eftir avtalu.