Ministry of Foreign Affairs of Mongolia
Ministry of Foreign Affairs of Mongolia
07/27/2025 | Press release | Distributed by Public on 07/28/2025 00:33
Бүгд Найрамдах Колумби Улсад хавсран суух Элчин сайд С.Золжаргал Итгэмжлэх жуух бичгээ өргөн барив
Монгол Улсаас Бүгд Найрамдах Колумби Улсад хавсран суух Онц бөгөөд Бүрэн эрхт Элчин сайд С.Золжаргал 2025 оны 7 дугаар сарын 24-ний өдөр тус улсын Ерөнхийлөгч Густаво Петро Уррего-д Итгэмжлэх жуух бичиг /ИЖБ/-ээ өргөн барив.
Итгэмжлэх жуух бичгээ барих ёслолын үеэр Элчин сайд С.Золжаргал Монгол Улсын Ерөнхийлөгч У.Хүрэлсүхийн мэндчилгээг Бүгд Найрамдах Колумби Улсын Ерөнхийлөгч Густаво Петро Уррего-д уламжилж, хоёр улсын харилцаа, хамтын ажиллагааг улс төр, эдийн засаг, худалдаа, боловсрол зэрэг боломжтой бүхий л салбаруудад өргөжүүлэн хөгжүүлэх, хэлхээ холбоог нэмэгдүүлэхийн төлөө хүчин чармайлт гарган ажиллахаа илэрхийлэв.
Ерөнхийлөгч Густаво Петро Уррего Элчин сайд С.Золжаргалыг ИЖБ-ээ өргөн барьсанд баяр хүргэн ажлын өндөр амжилт хүсэж, хоёр улсын харилцаа, хамтын ажиллагааг өргөжүүлэн хөгжүүлэхэд боломжит бүхий л талаар дэмжлэг үзүүлэхээ нотолж, түүний хувьд Монголын түүх, Монгол морьдын талаар шимтэн сонирхдог талаараа дурдсан байна.
Ministry of Foreign Affairs of Mongolia published this content on July 27, 2025, and is solely responsible for the information contained herein. Distributed via Public Technologies (PUBT), unedited and unaltered, on July 28, 2025 at 06:33 UTC. If you believe the information included in the content is inaccurate or outdated and requires editing or removal, please contact us at [email protected]