Ministry for the Economy, Enterprise and Strategic Projects of the Republic of Malta

10/02/2025 | Press release | Distributed by Public on 10/03/2025 10:06

STQARRIJA MILL-UFFIĊĊJU TAL-PRESIDENT

​​​

L-E.T. Myriam Spiteri Debono, President ta' Malta, kellha żjara ta' korteżija fil-Palazz ta' Sant'Anton mir-Rettur Maġġur tas-Sależjani, Dun Fabio Attard, flimkien mad-delegazzjoni tiegħu.

Dun Fabio Attard, il-11-il suċċessur ta' Don Bosco, jinsab fl-ewwel żjara uffiċjali tiegħu f'Malta minn mindu ġie elett fil-kariga ta' Rettur Maġġur f'Marzu li għadda.

Il-President ta' Malta bdiet billi ferħet lis-saċerdot Għawdxi għal din il-kariga, u nnutat il-ġid kbir li tagħmel il-komunità tas-Sależjani kemm f'Malta u anke f'pajjiżi oħra, b'mod partikolari maż-żgħażagħ.

Min-naħa tiegħu, Dun Fabio Attard spjega x'ħidma twettaq il-komunità kbira li jmexxi hu f'għexieren ta' pajjiżi differenti, fosthom anke mal-emarġinati, refuġjati u fil-formazzjoni taż-żgħażagħ u l-edukazzjoni tagħhom. Huwa temm jgħid li s-Sależjani għandhom anke missjoni fit-tisħiħ tan-nazzjon u l-umanità.
Il-President ingħatat tifkira tal-okkażjoni ta' din iż-żjara mir-Rettur Maġġur tas-Sależjani.

Flimkien mar-Rettur Maġġur, attendew għaż-żjara ta' korteżija Fr Eric Cachia SDB, Provinċjal tas-Salesjani ta' Don Bosco f'Malta, Fr Thathireddy Vijaya Bhaskar Reddy, Segretarju Personali tar-Rettur Maġġur u Fr Jachimowicz Roman Stanislaw, Superjur Reġjonali tal-Ewropa.


​

Ministry for the Economy, Enterprise and Strategic Projects of the Republic of Malta published this content on October 02, 2025, and is solely responsible for the information contained herein. Distributed via Public Technologies (PUBT), unedited and unaltered, on October 03, 2025 at 16:06 UTC. If you believe the information included in the content is inaccurate or outdated and requires editing or removal, please contact us at [email protected]