Ministry of Foreign Affairs of the Republic of Armenia

11/03/2025 | Press release | Distributed by Public on 11/03/2025 09:44

«Միջազգային մարդասիրական իրավունքը դիվանագիտական համատեքստում» խորագրով երկօրյա աշխատաժողով

«Միջազգային մարդասիրական իրավունքը դիվանագիտական համատեքստում» խորագրով երկօրյա աշխատաժողով

03 նոյեմբերի, 2025

Նոյեմբերի 3-ին Հայաստանի դիվանագիտական դպրոցում մեկնարկել է ՀՀ ԱԳ նախարարության և Հայաստանում Կարմիր խաչի միջազգային կոմիտեի գրասենյակի հետ համատեղ կազմակերպված «Միջազգային մարդասիրական իրավունքը դիվանագիտական համատեքստում» խորագրով երկօրյա աշխատաժողովը:

Աշխատաժողովի մեկնարկին ողջույնի խոսքով հանդես են եկել ՀՀ ԱԳՆ Մարդու իրավունքների և հումանիտար հարցերի վարչության պետ Կարինե Սուջայանը և Հայաստանում ԿԽՄԿ պատվիրակության ղեկավարի տեղակալ Նիկոլ Նասեն:

Ծրագրի հիմնական նպատակը միջազգային հումանիտար իրավունքի գործառնական շրջանակի և ԿԽՄԿ մանդատի ուսումնասիրությունն է, ինչպես նաև դրա կարևորության ընդգծումը դիվանագիտական անձնակազմի համար:

Քննարկումների ընթացքում անդրադարձ է կատարվել միջազգային մարդասիրական իրավունքի և մարդու իրավունքների արդի հիմնախնդիրներին, այդ թվում՝ հումանիտար իրավունքի ոլորտում ՀՀ կողմից ձեռնարկվող քայլերին և ԿԽՄԿ հետ համագործակցությանը:

Աշխատաժողովին ներկա են գտնվել ոլորտի միջազգային փորձագետներ և ՀՀ ԱԳ նախարարության աշխատակիցներ:

Ministry of Foreign Affairs of the Republic of Armenia published this content on November 03, 2025, and is solely responsible for the information contained herein. Distributed via Public Technologies (PUBT), unedited and unaltered, on November 03, 2025 at 15:44 UTC. If you believe the information included in the content is inaccurate or outdated and requires editing or removal, please contact us at [email protected]