Svikapóstar í aukningu – viðskiptavinir hvattir til að sýna aðgát

Svikapóstar í aukningu - viðskiptavinir hvattir til að sýna aðgát

17. mars 2026

Síðasta sólarhring hefur Síminn orðið fyrir netárás sem felur í sér svikapósta sem eru sendir til fjölda viðskiptavina á sama tíma. Í tölvupóstunum eru viðskiptavinir hvattir til að smella á óþekkta hlekki og hnappa.

Dæmi um tölvupósta sem eru sendir á viðskiptavini eru: "Viðvörun: Ódulkóðuð nettenging - Smelltu hér til að virkja örugga dulkóðun." Þegar smellt er á hnappinn er notandinn leiddur á svikasíðu. Viðskiptavinum Símans er ráðlagt að ýta ekki á slíka hlekki eða hnappa.

Netárásin herjar á einstaklinga með Símnet netföng. Síminn vinnur að því í samstarfi við CERT-IS að loka léninu. Einnig er unnið að því að loka á móttöku þessara tölvupósta með Sensa.

Síminn bendir á að:

• Smella ekki á hlekki í grunsamlegum tölvupóstum
• Athuga alltaf sendanda vandlega
• Gefa aldrei upp lykilorð eða persónuupplýsingar í gegnum tölvupóst

Ef þú ert í vafa, mælum við með að eyða póstinum eða hafa samband við þjónustuver Símans.