Ministry of Foreign Affairs of the Republic of Armenia

09/16/2026 | Press release | Distributed by Public on 09/16/2026 00:32

ՀՀ ԱԳՄԱ նախարարի տեղեկալի մասնակցությունը «Կանայք, խաղաղություն և անվտանգություն» թեմայով գագաթնաժողովին

ՀՀ ԱԳՄԱ նախարարի տեղեկալի մասնակցությունը «Կանայք, խաղաղություն և անվտանգություն» թեմայով գագաթնաժողովին

16 սեպտեմբերի, 2026

Սեպտեմբերի 15-ին ՀՀ արտաքին գործերի և միջազգային առևտրի նախարարի տեղակալ Վահան Կոստանյանը ելույթով է հանդես եկել Միջազգային հանրապետական ինստիտուտի (IRI) «Կանանց ժողովրդավարության ցանցի» կողմից կազմակերպվող «Կանայք, խաղաղություն և անվտանգություն» թեմայով Եվրոպա-Եվրասիա տարածաշրջանային գագաթնաժողովին։

Ելույթում անդրադարձ է կատարվել տարածաշրջանային անվտանգության ճարտարապետության ընթացիկ փոփոխություններին և խաղաղության հաստատմամբ բացված հնարավորությունների արդյունավետ իրացման առնչությամբ Հայաստանի տեսլականին։

Վահան Կոստանյանն ընդգծել է Հայաստանի կողմից խաղաղության օրակարգի առաջմղման, տարածաշրջանում կայունության և կանխատեսելիության ապահովման, ինչպես նաև հարևանների հետ հարաբերությունների զարգացման և/կամ կարգավորման ուղղությամբ իրականացվող աշխատանքները։ Անդրադարձ է կատարվել տարածաշրջանային կայունության և երկարաժամկետ խաղաղության ապահովման համար ներառական և ինստիտուցիոնալ մոտեցումների անհրաժեշտությանը։

Այս համատեքստում ԱԳՄԱ նախարարի տեղակալը կարևորել է կանանց լիարժեք և արդյունավետ ներգրավվածությունը խաղաղության և անվտանգության գործընթացներում: Նշվել է, որ կանանց մասնակցության ընդլայնումը նպաստում է ինստիտուցիոնալ դիմակայունության ամրապնդմանը և խաղաղության պահպանման և ինստիտուցիոնալացման առավել համապարփակ և կայուն մեխանիզմների ձևավորմանը։

Ministry of Foreign Affairs of the Republic of Armenia published this content on September 16, 2026, and is solely responsible for the information contained herein. Distributed via Public Technologies (PUBT), unedited and unaltered, on September 16, 2026 at 06:33 UTC. If you believe the information included in the content is inaccurate or outdated and requires editing or removal, please contact us at [email protected]