Ministry of Foreign Affairs of the Republic of Armenia

09/26/2025 | Press release | Archived content

ՀՀ ԱԳ նախարարի տեղակալ Ռոբերտ Աբիսողոմոնյանը մասնակցել է Միջուկային փորձարկումների համապարփակ արգելման պայմանագրի ուժի մեջ մտնելու խթանմանը նվիրված համաժողովին

ՀՀ ԱԳ նախարարի տեղակալ Ռոբերտ Աբիսողոմոնյանը մասնակցել է Միջուկային փորձարկումների համապարփակ արգելման պայմանագրի ուժի մեջ մտնելու խթանմանը նվիրված համաժողովին

26 սեպտեմբերի, 2025

Սեպտեմբերի 26-ին Նյու Յորքում ՀՀ ԱԳ նախարարի տեղակալ Ռոբերտ Աբիսողոմոնյանը մասնակցել և ելույթով հանդես է եկել Միջուկային փորձարկումների համապարփակ արգելման պայմանագրի ուժի մեջ մտնելու խթանմանը նվիրված համաժողովին։

ՀՀ ԱԳ նախարարի տեղակալն ընդգծել է, որ Հայաստանը հավատարիմ է չտարածման օրակարգի և միջուկային փորձարկումների համապարփակ արգելման պայմանագրի նպատակների առաջմղմանը։

Ընդգծվել է ժամանակակից անվտանգային միջավայրում զարգացումներին և առկա մարտահրավերներին համապատասխան միջազգային արձագանքի ապահովման և հանձնառության ստանձնման անհրաժեշտությունը։

ԱԳ նախարարի տեղակալ Ռոբերտ Աբիսողոմոնյանն իր ելույթում կոչ է արել այն պետություններին, որոնք դեռևս չեն ստորագրել և վավերացրել Պայմանագիրը, անել դա հնարավորինս շուտ՝ այս համատեքստում հիշատակելով ՀՀ համահեղինակած և ՄԱԿ շրջանակներում ընդունված Միջուկային փորձարկումների համապարփակ արգելման մասին պայմանագրի վերաբերյալ բանաձևը:

ՀՀ ԱԳ նախարարի տեղակալն անդրադարձել է նաև կարողությունների զարգացման նախաձեռնությունների խթանման կարևորությանը՝ ուղղված Պայմանագրով նախատեսված հանձնառությունների իրականացման գործում արդյունավետության բարձրացմանը։

Ministry of Foreign Affairs of the Republic of Armenia published this content on September 26, 2025, and is solely responsible for the information contained herein. Distributed via Public Technologies (PUBT), unedited and unaltered, on September 28, 2025 at 16:29 UTC. If you believe the information included in the content is inaccurate or outdated and requires editing or removal, please contact us at [email protected]