Voluntary Blood Donation Event Organized at the University of internal affairs

Дотоод хэргийн их сургуулийн харьяа "Ахлагч" мэргэжлийн боловсролын сургууль, Цус сэлбэлт судлалын үндэсний төвтэй хамтран багш, алба хаагч, сонсогч, суралцагчдын дунд сайн дурын цус хандивлах үйл ажиллагааг өчигдөр зохион байгууллаа. Хүнлэг энэрэнгүй үзлийг төлөвшүүлэх, нийгмийн хариуцлагатай иргэнийг бий болгох зорилготой энэхүү үйл ажиллагаанд 100 гаруй багш, алба хаагч, сонсогч өөрийн сайн дурын үндсэн дээр оролцож, цусаа хандивлав. Нэг удаагийн цус хандивлах нь гурван хүнд амьдрал бэлэглэдэг бөгөөд сайн үйлс нь 300 хүний амь насыг аврахад бодит хувь нэмэр оруулсан гэдгээрээ онцлог байлаа. "Амьдрал бэлэглэх сайхан сэтгэлийн илэрхийлэл болсон энэхүү үйлс нь манай сургуулийн хамт олон нийгмийн хариуцлагаа хэрэгжүүлж буй бодит жишээ юм" хэмээн зохион байгуулагчид онцлов. Сайн үйлс бүхэн дэлгэрэх болтугай.