Matproduksjon som del av totalforsvaret – pilotprosjekt er igangsett i Innlandet

Målet er at Noreg skal vere betre førebudd på krisar som kan påverke matforsyninga.

Pilotprosjektet er sett i gang av Innlandet fylkeskommune i samarbeid med Statsforvaltaren i Innlandet, samvirkeorganisasjonane Tine, Nortura og Felleskjøpet, Forsvaret, ASKO og landbruksorganisasjonar/næringsaktørar. Prosjektet skal styrkje matproduksjonens rolle i totalforsvaret og redusere sårbarheit i verdikjeda frå produsent til forbrukar.

• Les meir i siste utgåve av Fylkesnytt

Innlandet fylke er størst på potet og storfekjøt, nest størst på korn og tredje størst på mjølk. Verdikjeda for produksjon av mat, frå produsent til forbrukar, er kompleks. Matproduksjonen er avhengig av mange innsatsfaktorar, velfungerande infrastruktur og logistikk, teknologi og samarbeid mellom mange aktørar.