Prime Minister´s Office of the Faroe Islands
Prime Minister´s Office of the Faroe Islands
12/05/2025 | Press release | Distributed by Public on 12/05/2025 07:38
Útróðrarbátar í bólki 5 B kunnu nú aftur reka vinnuligan fiskiskap
Eirikur í Jákupsstovu, landsstýrismaður, hevur nú lýst kunngerð, sum ger, at útróðrarbátar undir 15 tons í bólki 5 B aftur kunnu reka vinnuligan fiskiskap.
Fiskidagarnir hjá bólki 5 B vóru uppi í oktober í ár.
Løgtingið samtykti einmælt fyrr í vikuni at broyta sjófeingislógina soleiðis, at landsstýrismaðurin eisini kann loyva, at óbrúktir fiskidagar í bólki 5 í 2024 kunnu flytast til 2025. Eftir nýggju ásetingini í lógini kann dagatalið í bólki 5, at flyta til árið eftir, tó ikki vera meira enn 10 prosent av tillutaðu døgunum árið fyri.
Kunngerðin, sum nú er lýst, ber í sær, at bátar í bólki 5 B kunnu brúka av flutta dagatalinum og avreiða veiðuna.
Enn eru dagar eftir hjá fullriknu bátunum í bólki 5 A , men um teirra dagar verða uppi, kunnu teir eisini brúka av fluttu døgunum.
Í 2024 fekk bólkur 5 samanlagt tillutað 7.765 fiskidagar. Av hesum vórðu 3.042 ikki brúktir. Við avmarkingini upp á 10 prosent vera sostatt 757 fiskidagar at flyta til 2025.
Prime Minister´s Office of the Faroe Islands published this content on December 05, 2025, and is solely responsible for the information contained herein. Distributed via Public Technologies (PUBT), unedited and unaltered, on December 05, 2025 at 13:38 UTC. If you believe the information included in the content is inaccurate or outdated and requires editing or removal, please contact us at [email protected]