Ministry of Foreign Affairs of the Republic of Armenia

03/13/2026 | Press release | Distributed by Public on 03/14/2026 03:04

ՀՀ ԱԳ նախարարի տեղակալի հանդիպումը ՄԱԶԾ կառավարչի հետ

ՀՀ ԱԳ նախարարի տեղակալի հանդիպումը ՄԱԶԾ կառավարչի հետ

13 մարտի, 2026

Մարտի 13-ին Նյու Յորքում ՀՀ ԱԳ նախարարի տեղակալ Ռոբերտ Աբիսողոմոնյանը հանդիպում է ունեցել ՄԱԿ-ի Զարգացման ծրագրի կառավարիչ Ալեքսանդր Դե Քրուի հետ:

Զրուցակիցները գոհունակությամբ արձանագրել են Հայաստանի և ՄԱԿ-ի Զարգացման ծրագրի միջև առկա արդյունավետ համագործակցությունը՝ կարևորելով ՀՀ կառավարության և ՄԱԶԾ հայաստանյան գրասենյակի համատեղ աշխատանքի արդյունքում ընդունված 2026-2030թթ. համար Երկրի ծրագրային փաստաթուղթը: Այս համատեքստում ընդգծվել է Հայաստանի կարողությունների զարգացման անհրաժեշտությունը, ինչը կնպաստի հետագա ծրագրերի իրականացման արդյունավետության բարձրացմանը:

Մտքեր են փոխանակվել նաև ՄԱԿ80 բարեփոխումների գործընթացի վերաբերյալ` ընդգծելով դրա կարևորությունը Կազմակերպության առավել արդյունավետ, համակարգված և արդյունքահեն գործունեության համար:

Հանդիպման ընթացքում անդրադարձ է կատարվել Հայաստանում անցկացվելիք ՄԱԿ-ի Կենսաբազմազանության մասին կոնվենցիայի կողմերի 17-րդ համաժողովին ընդառաջ ընթացող աշխատանքներին` ներկայացնելով այս համատեքստում ՀՀ տեսլականը: ԱԳ նախարարի տեղակալն ընդգծել է կլիմային և կենսաբազմազանությանն առնչվող հարցերում ՄԱԶԾ ներգրավվածության կարևորությունը:

Ministry of Foreign Affairs of the Republic of Armenia published this content on March 13, 2026, and is solely responsible for the information contained herein. Distributed via Public Technologies (PUBT), unedited and unaltered, on March 14, 2026 at 09:04 UTC. If you believe the information included in the content is inaccurate or outdated and requires editing or removal, please contact us at [email protected]