ХҮҮХДИЙН ТЭТГЭЛЭГ ТӨЛӨХӨӨС ЗАЙЛСХИЙСЭН ҮЙЛДЭЛД ХАРИУЦЛАГА НОГДУУЛЛАА

✅Завхан аймаг дахь Сум дундын Иргэний хэргийн анхан шатны шүүхийн 2023 оны 09 дүгээр сарын 19-ний өдрийн 1629 дүгээр шийдвэрийн дагуу тэтгэлэг төлөгч Ж.Т-ээс 2 хүүхдийн тэтгэлэг гаргуулж Г.Ц-д олгохоор шийдвэрлэсэн.

✅Шийдвэр гүйцэтгэх ажиллагаагаар төлбөр төлөгч Ж.Т нь шүүхийн шийдвэрээр төлөх хүүхдийн тэтгэлгийг 02 жил 07 сарын хугацаанд төлөхөөс зайлсхийсэн үйлдэл гаргасныг тогтоосон.

✅Банкны төлбөр барагдуулах газраас тэтгэлэг төлөгч Ж.Т-ийн гаргасан зөрчилд Зөрчлийн тухай хуульд зааснаар зөрчил шалган шийдвэрлэх ажиллагаа явуулах явцад хүүхдийн тэтгэлгийн хуримтлагдсан төлбөрөөс 1,500,000 төгрөгийг хэсэгчлэн төлүүлсэн.

✅Дүүргийн Эрүү, Иргэний хэргийн хялбар ажиллагааны анхан шатны шүүхийн 2026 оны 07 дугаар сарын 02-ны өдрийн 14901 дүгээр шийтгэврээр тэтгэлэг төлөгч Ж.Т-г 100,000 төгрөгөөр торгох шийтгэл ногдуулав.