Prime Minister´s Office of the Faroe Islands

09/30/2025 | Press release | Distributed by Public on 09/30/2025 10:46

Tilhaldsstað til ung við rúsmisnýtslu

Ung við umfatandi trupulleikum vera ikki nóg væl loftaði í verandi skipanum. Tí hevur Eirikur í Jákupsstovu, landsstýrismaður í almanna- og mentamálum, gjørt av at seta pengar av til eitt tilhaldsstað til ung við umfatandi sálarligum, sosialum og rúsevnis trupulleikum á fíggjarlógaruppskotinum fyri 2026.

Tilhaldstaðið verður skipað undir Almannaverkinum í tøttum samstarvið við Psykiatriska depilinum, rúsviðgerðarstovnunum og Kriminalforsorgina. Verandi tænastur hjá RóWT verða samantvinnaðar við virksemið í húsinum, og talan verður um eina 24/7 tænastu. Virksemið fevnir eisini um eina útitænastu, sum skal virka út frá tilhaldsstaðnum.

Landsstýrismaðurin fegnast tí um, at vit við tilhaldsstaðnum loksins fáa eitt haldført og føroyskt tilboð, sum byggir á virðing, nærveru og fakligt samstarv.

"Eg eri fegin um, at vit nú hava fíggjarligu karmarnar til at fara undir arbeiðið, og at vit longu í heyst seta arbeiðsbólkin, sum skal leggja lunnar undir skipanina. Hetta er ein týðandi raðfesting fyri ung, sum annars standa í vanda fyri at missa fótin í lívinum",sigur Eirikur í Jákupsstovu, landsstýrismaður í almanna- og mentamálum.

Tilhaldsstaðið fer eftir ætlan at lata upp umleið í apríl 2026.

Mett verður, at tilhaldsstaðið fer at kostað um 8 mió. kr. Verandi játtan til RóWT, saman við raðfestingini á 3,5 mió. kr. í fíggjarlógaruppskotinum, fara at fíggja nýggja tilhaldsstaðið, umframt at samstarvspartar fíggja sín part. Talan verður ikki um fult virksemið í 2026, tí skulu 500 tús.kr. játtast aftrat í fíggjarlógini fyri 2027.

Prime Minister´s Office of the Faroe Islands published this content on September 30, 2025, and is solely responsible for the information contained herein. Distributed via Public Technologies (PUBT), unedited and unaltered, on September 30, 2025 at 16:46 UTC. If you believe the information included in the content is inaccurate or outdated and requires editing or removal, please contact us at [email protected]