Lisa Murkowski

Forseti fundar með Lisu Murkowski, fulltrúa Alaska í öldungadeild Bandaríkjaþings. Hún er hér á landi í tengslum við Hringborð norðurslóða sem fer nú fram í Hörpu í Reykjavík. Rætt var um sameiginlega hagsmuni og ábyrgð ríkja á norðurhveli jarðar, meðal annars varðandi lausnir við loftslagsvánni og nýtingu endurnýjanlegrar orku. Öldungadeildarþingmaðurinn greindi frá tækifærum til frekari nýtingu jarðvarma í Alaska. Rætt var um komandi kosningar í nóvember, bæði í Bandaríkjunum og á Íslandi, horfur að kosningum loknum og um sameiginlegar áskoranir beggja vegna Atlantshafsins. Þá var rætt um árásarstríð Rússa í Úkraínu, áhrif þess á samstarf í Norðurskautsráðinu og mikilvægi áframhaldandi stuðnings við Úkraínufólk.