SAUNOAGA AFIOGA I LE PALEMIA: AFIOGA FIAME NAOMI MATAAFA I LE MAEA AI O LE FAIGAPALOTA TELE A LE ATUNUU [9 Setema 2025]

O lea ua malama i ulugalu ma to'a i matāmauga fisaga o laula'i, ae utu i matā fanua pupula o matagofie, auā le folauga a si o tatou atunuu i lenei vaitau o le tausaga. La tatou folauga na fuafua ma lalafo i le Atua ina ua fofotu uluai sulu o lenei tausaga, lea ua o tatou oaoa ma sufi lona agalelei ma lona filemu, i le masina lona iva o le tausaga ua o tatou aulia. O la tatou faafetai e lē mavae, ma le viiga i lo tatou Matai Sili, ona o lona faamaoni ma lona alofa, o apelepeleina ai pea lo outou soifua ma so matou ola.

Ou te faatulou atu i le afio o lau Afioga i le Ao Mamalu o le Malo ma lau Masiofo, Afifio Sui o le Fono a Sui Tofia. Le paia maualuga o le tafatolu o le Malo Tutoatasi o Samoa, i le afioga i le Sui Palemia ma Minisita o le Kapeneta, le afio o le Faamasino Sili faapea Alii ma Tamaitai o le Faamasinoga, le afio o sui mamalu o Itumalo e 51 ua filifilia mo le Fono Aoao Faitulafono i le mae'a o le Palota Tele ua faatoa mae'a, Sui o Malo mai fafo (Members of the Diplomatic Corps), Faauluuluga o Matagaluega ma Faalapotopotoga Tumaoti ma Pisinisi.

Le paia o Taitai o Ekalesia aemaise le aufaigaluega totofi a le Atua i le nofo a Ekalesia Kerisiano i Samoa.

Ae a le paia maualuga o Samoa mai ona ao seia o'o i ona i'u. O paia aua Aiga ma a latou Tama. O Tama ma o latou Aiga, Tumua ma Pule, Ituau ma Alataua, Aiga i le Tai ma le Vaa o Fonoti.

Ou te faatulou atu foi i le tapuaiga a le faigamalo a Tutuila ma Manu'a. I le afio o le Kovana ma le Faigamalo i le Pulega Faatonu, le Faamasinoga, ma Maota e lua o le Fono Faitulafono a Tutuila ma Manu'a.

O le paia lava lea auā le Faleagafulu ma le Nofo-a-Maopu, Sua ma le Vaifanua, Fofo ma Aitulagi, Ituau ma Alataua, Saole, ma le Launiu na Saelua.

O paia i le motu sā, aua le afifio o Faatuiolemotu, Alalatai Tootoo o le Faleula.

O lea ua faalepa foe a tautai ina ia māgoto le igafo, auā le faigā filifiliga sa alofaiva i ai le paia o le atunuu. E fili tāgaga ai le tofā ma le faautaga, aua ni Sui e tauaveina nofoa o Itumalo e 51, i le Fono Aoao Faitulafono a Samoa.

Sa o tatou tu'utasi i le Atua lo tatou faamoemoe ina ia aualiitia e lona alofa ma lona mana le atunuu i lana faiga filifiliga. O lea ua maea, ma aumai lau o filifiliga a Itumalo, o loo mau pea le to'ovae, ma fusi i le filemu si o tatou atunuu.

O le tatou faafetai lea e faamua i le Atua, auā ana lē seanoa lona Agaga na faapalepale mai, semanū ua na o se ausaga lē tuvae lo tatou faamoemoe. Peitai, o lona alofa, ua goga ai le faasulu o matagivale, ma ni fa'ali'a o ituaso 'aupōuli.

Faafetai tele i le aufaigaluega totofi a le Atua i so'o se fata faitaulaga kerisiano i le atunuu, aemaise o le atunuu atoa i lo outou fai tatalo mo le faiga filifiliga a le atunuu.

Ou te molia le faafetai i Sui uma na tausiniō i lenei faigapalota. Faamalo le taupati, faafetai le onosai ma lo outou pulunaunau e fia tautua mo outou Itumalo. O lea ua aumai le filifiliga a le atunuu, o aga ia faatemokarasi, o loo faafoe ai le sailiga o Sui o le Palemene o Samoa.

Ou te faamalo atu i Vaega Faaupufai uma sa tauvā i lenei faiga palota. O se tasi lenei o faiga filifiliga ua faamauina ai le tele o Vaega Faaupufai sa tauva o latou Sui. Faamalo i Taitai o Vaega Faaupufai, sa o latou taimuaina polokalame ma faalauiloa a o latou Vaega Faaupufai, auā le filifiliga a le atunuu. Faamalo faafetai le faatoatoa.

O lea ua aumai le iuga o le faigapalota, ua ausia e le Vaega Faaupufai o le Faatuatua i le Atua Samoa ua Tasi le fuainumera maualuga o Sui o Itumalo, ou te taofi, fai lea mo tatou.

Lau afioga Laaulialemalietoa, faamalo le taupati. Lau afioga Tuilaepa, faapea taitai o isi vaega faaupufai i lenei faigapalota, faamalo le fai o le faiva. E lē faigofie le sailiga mafua lelei mo Samoa, aemaise i tulaga faata'ita'i o le Malo ma le Fono Aoao Faitulafaono. E saili i le tofa fetāla'i, ma le moe fetuutuuna'i, ae lautua i le poto mai le Atua, e faafoe ai le sa o le atunuu.

Ou te faafetaia le paia maualuga o Samoa, sa faatino o latou aia tatau e palotaina Sui o Itumalo. Faafetai le fai malū o lo outou faiva. E le'i i ai se gasē, po o ni vevesi na aliali mai i le vaiaso o le palota. O le filifiliga o nofoa o Itumalo, o loo taoto i la outou faatōfālaiga. O ai lava ua outou tusi aao i ai, latou te moomia la outou lagolago e u'unaia faatasi atinae o Itumalo, ma le atunuu.

E le itiiti le faafetai i le afioga i le Komesina o Faigapalota ma lona Ofisa, o le aufaigaluega galulue i falepalota, o le Matagaluega o Leoleo, o Sui mai fafo sa o latou mataituina lenei faigapalota, ma e uma na faisao i le faamoemoe o le atunuu, faafetai le faitaulaga, faamalo le galulue. E leai se galuega e lē mae'a, ma e silafia e le Atua lo outou tautīgā, o ia na te tauia i faamanuiaga e ala eseese mai.

Samoa e, pe galo ea i se a, lou agalelei i lenei vaitau sa ou tauaveina ai le taitaiga o le atunuu i le tofi Palemia. Sa o tatou folau mai i le ogatotonu o le 2021 i le maea ai o luitau ma fitā na tulai mai i lena vaitau. Ou te faapea atu, e le itiiti la outou lagolago mai i le tatou Malo, i lona atinae ma lona tamaoaiga. Sa taumafai i le mafai e gata ai, ma le faamoemoe i le fesoaosani mai a le Agaga Paia, e faatino galuega mo le manuia auiluma o Samoa, ma ona tagata.

E faapea foi i le feagai ai ma le va-i-fafo i Malo o le Pasefika ma le Lalolagi, ina ia tumaualuga le tatou mau e momoli i tauaofiaga tetele, sa auai i ai. O le tala'ave lea sa momoli mai i a tatou taligamalo, sa gapatia ai le atunuu ia Novema 2023 i le sainiga ole SAMOA Agreement ma atunuu o Europa' faapea itulagi a Aferika, Keripiane ma le Pasefika aemaise ai Oketopa o le tausaga na te'a nei, i le fonotaga a Malo e 56 o Malo o le Taupulega a Peretania na āsia ai Samoa e le taiulu o Malo ole Taupulega ole Tupu lea o Peretania Salesi le III, mo le uluai taimi.

Ui i lea, o aga masani o lo tatou soifuaga, e tutupu matagi i liu o va'a, e fesouaina pea lo tatou ola i fītā, peita'i, e malamalama pea le nofoalii o le alofa tunoa. Auā o le Atua, o lē fai mea tonu, o lona Malo e le mafai ona luluina, o le pelu maamaai.

Lau afioga i le Palemia filifilia o Samoa - lau afioga Laaulialemalietoa, sagai ane ai o le tai, ma faaosofia moegāluaga i lou tulai e taitai le atunuu, i le tofi Palemia. O le tofi lena, o le tofi o Samoa ma lona Malo Tutoatasi. O la'u tatalo, ia faamoemoe i le Atua le galuega, ia taunapo i le malu o faiga faavae ma Tulafono, ma ia tautuanā fautuaga a le aufaigaluega a le Malo o loo punouai i auaunaga mo le atunuu. Ia manuia lou tulai mai i le tauaveina o le tofi Palemia mo si o tatou atunuu.

Mo sui filifilia uma o le Fono Faitulafono ua pale mai mo le Palemene XVIII, o outou mama na, ia faamanuia le Atua i le tofi ma le valaauina.

Si o'u Itumalo pele o Lotofaga, faafetai mo la outou tapuaiga a o feagai ai ma le tofi Palemia tainane le 40 tausaga talu ona ou tauaveina le nofoa o le Itumalo. O le ā se tatou tautua ia Samoa, ia faia ia ma viiga o le Atua. Le paia o faafeagaiga taulagi a lo tatou Itumalo, faafetai tele le faamalosiau ma le tatalo. Tatou tuli i luma so tatou ai. Ia manuia tele si o tatou Itumalo.

Mo la'u Vaega Faaupufai o le Samoa ua Potopoto, faamalo le ta'i, malo le finau aemaise mo le momoliina o mau faavae i le tauvāina o nofoa o Itumalo i le Palota Tele. E ui e lei tau lau o le tatou faamoemoe, o le a avea, matou ua tulai mai mo lenei Paeaiga e tauaveina le fu'a o le Samoa Ua Potopoto i le faalagamaea a le atunuu. Tatou taofi i le loto mau e faaauau a tatou matafaioi i tafa eseese o le galuega faavaega Faaupufai.

E tauluga lenei tautalaga i le faafetai faapitoa mo la'u Kapeneta i le amataga mai o le Paeaiga Lona XVII, aemaise le Kapeneta Tausi Malo i la outou afioga i le Sui Palemia ma Minisita. O la'u lava mau faataitai, o le Laulau a le Kapeneta e faafoeina le taitaiina o le Malo, i le galuega i le atinaeina o le atunuu ma auaunaga mo o tatou tagata. Faafetai tele mo le tauaveina o tiute ma faiva o le valaauina i lo outou finagalo matala ma le fetala'i ae autu lava i le manuia o le atunuu. Ia faamanuia le Atua iā outou afioga aemaise o aiga ma e pelē.

Tatou talo soifua ia i le aso ua atofa e lana Afioga i le Ao Mamalu o le Malo e tauaofia ai le Palemene, mo le faatautoina o Sui Mamalu uma o le Palemene, aemaise le Palemia ma lana Kapeneta. Ia o tatou maua faatasi lea aso i le filemu ma le agaga faafetai, ua maea le faiga filifiliga a Samoa i le tausiga alofa a le Atua.

Ia manuia tele si o tatou atunuu, ia tumau pea le filemu ma le alofa o le Atua ma le mafutaga faifaipea ma lona Agaga, i luga o lo tatou tofi o Samoa, le atunuu pele.

Soifua.

PRESS STATEMENT BY THE PRIME MINISTER HON. FIAME NAOMI MATA'AFA AFTER THE GENERAL ELECTION 2025 [9th September 2025]

Good afternoon Samoa; following the conclusion of the general elections' official count on Friday last week, and subsequent conveyance of the writ to the Head of State, I now take this opportunity to thank each and every one of you, for your patience and active participation in the electoral process.

Your voices, through your votes, have once again demonstrated the strength and resilience of our democracy.

We thank the Lord for his love and grace upon us, and for his peace on our country as we took part in this important democratic process. In this regard, I acknowledge with gratitude the role of the church and prayer warriors for committing this occasion to the Lord, and for praying for peace in the country.

I take this opportunity to congratulate the winning political party - Faatuatua i le Atua Samoa ua Tasi, and its leader - Laaulialemalietoa who will now steer our country into the future. I also acknowledge the leader of the Human Rights Protection Party -Tuilaepa and all other political parties' leaders for their contribution to ensuring a peaceful and robust general elections.

I extend my sincere appreciation to the voters, who turned out to exercise their fundamental right to vote. Your voices matter, and the choices you made in electing your representatives in Parliament over the next five years, will hopefully deliver to your expectations for a better Samoa.

A special thank you to the Electoral Commissioner and his dedicated team of officials for their tireless efforts in ensuring a free, fair, and transparent electoral process. Your commitment to upholding the integrity of our democracy in every way possible deserves our recognition.

To the electoral officials, police and all observers who participated in the elections, thank you all. Your roles were imperative to safeguarding the electoral process, and maintaining order during this significant time of our country's history. May you make good on any lessons learnt from the conduct of the elections.

As my Government prepares to complete our Cabinet duties, I want to thank you Samoa for standing together with the government, in driving what was carefully planned to enhance sustainable development and well-being. As Prime Minister, I have wholeheartedly committed to lead government in accordance with requirements of the law and policies, governing operations in a fair and equitable manner.

At the regional and international arenas, I have ensured that our voice as an independent country, was amplified with the collective voice of the Blue Pacific family on issues crucial for regional unity and solidarity to promote our priorities. That resonated with the feedback from the leaders around the globe on our consistent advocacy of our climate goals and stewardship of our ocean and protection of our biodiversity beyond national jurisdiction. Our collective efforts in successfully hosting the signing of the SAMOA agreement in November 2023 and the Commonwealth Leaders meeting in October 2024 have placed us on a platform as a sought after host for international meetings and a viable tourist destination.

Our successes would not have happened without public support and trust in the systems of government. Our unity as a nation that is founded on God and respect for our cultural values, have shielded us from the torrents of time, and challenges of our democracy. Together we have weathered the rampage of COVID 19 and recently the dengue epidemic with the help of our development partners. What we have jointly accomplished in my term as Prime Minister, shall be made for the glory of the God upon whom this country is founded.

I congratulate the Prime Minister elect - Hon. Laaulialemalietoa Leuatea Polataivao Fosi. I pray for wisdom and courage upon you to carry the mantle of leadership with dedication and integrity. I want to acknowledge with sincere appreciation my Cabinet colleagues who have served with me during the XVII Parliamentary Term. Thank you for your service to the country.

In closing, I acknowledge with appreciation the support of my Constituency - Lotofaga. We have come a long way and stood together over these many years. Thank you for your prayers, your counsel and ready support during the 40 years I have been your Member of Parliament and your continued support for the next 5 years.

The Head of State has proclaimed next Tuesday, 16th September for the convening of the XVIII Parliament. Let us all move forward to meet this new chapter in our country's political journey with faith, steadfast and thankful hearts.

May God bless Samoa

Soifua.