Thirrje për kandidatura për anëtar në Komitetin e OKB-së për Eliminimin e Diskriminimit ndaj Grave (CEDAW)

Ministria për Evropën dhe Punët e Jashtme fton ekspertë të kualifikuar në fushën e të drejtave të njeriut, akademikë, profesorë universitetesh dhe përfaqësues të shoqërisë civile të paraqesin kandidaturën e tyre për t'u konsideruar si kandidat i Republikës së Shqipërisë për postin e anëtarit në Komitetin për Eliminimin e të Gjitha Formave të Diskriminimit kundër Grave (CEDAW).

Zgjedhjet për 12 poste vakante në këtë Komitet do të zhvillohen më 26 qershor 2026, në selinë e Organizatës së Kombeve të Bashkuara në Nju Jork, gjatë takimit të 24-t të Shteteve Palë të Konventës për Eliminimin e të Gjitha Formave të Diskriminimit kundër Grave. Mandati i anëtarëve të rinj do të fillojë më 1 janar 2027 dhe do të përfundojë më 31 dhjetor 2030.
Ekspertët e interesuar ftohen të aplikojnë, përmes sistemit brenda datës 8 mars 2026 në rrugë elektronike në adresën [email protected].
Informacion i detajuar mbi procedurën dhe procesin e zgjedhjeve mund të gjendet në: https://events.ohchr.org , http://www.ohchr.org/en/treaty-bodies/cedaw/membership

Ministria për Evropën dhe Punët e Jashtme inkurajon aplikimin e profesionistëve me integritet dhe përvojë të spikatur në fushën e të drejtave të njeriut dhe barazisë gjinore, duke kontribuar në përfaqësimin dhe rolin aktiv të Shqipërisë në mekanizmat ndërkombëtarë të Kombeve të Bashkuara.