Hoxha telefonatë me Ministrin e Shtetit për Punët e Jashtme të Katarit: Mirënjohje për kujdesin e treguar ndaj shqiptarëve gjatë sulmeve të Iranit

Postim në X i Ministrit për Evropën dhe Punët e Jashtme, Ferit Hoxha, pas telefonatës me Ministrin e Shtetit për Punët e Jashtme të Katarit, Sh.T. Soltan bin Saad Al-Muraikhi:

Pata sot një bisedë shumë të frytshme me Ministrin e Shtetit për Punët e Jashtme të #Katarit, Sh.T. Soltan bin Saad Al-Muraikhi.

Dënova me forcë sulmet iraniane ndaj shtetit të Katarit, si një shkelje e qartë e së drejtës ndërkombëtare, si dhe e sovranitetit dhe integritetit territorial të tij.

Duke rikonfirmuar solidaritetin e palëkundur të Shqipërisë, shpreha gjithashtu vlerësimin për rolin udhëheqës të Katarit dhe për angazhimin e tij të vazhdueshëm për dialogun, ndërmjetësimin dhe stabilitetin rajonal.

#Shqipëria vlerëson miqësinë e ngushtë me Katarin dhe mbetet e gatshme të mbështesë çdo nismë që synon ruajtjen e paqes dhe stabilitetit në rajon dhe më gjerë.

Jemi njëkohësisht mirënjohës ndaj autoriteteve të Katarit për kujdesin dhe mbështetjen e treguar ndaj qytetarëve shqiptarë në Katar gjatë këtyre kohëve sfiduese.

Link: https://x.com/hoxhafer/status/2031731516200325215?s=46