Ministry of Foreign Affairs of Mongolia
Ministry of Foreign Affairs of Mongolia
08/03/2026 | Press release | Distributed by Public on 08/02/2026 21:52
Уур амьсгалын өөрчлөлтийг контемпорари урлагаар илэрхийлсэн үзэсгэлэн COP17 хурлын “Ногоон бүс”-д дэлгэгдэнэ
B Contemporary Art Gallery (BCAG)-аас 5 дахь жилдээ зохион байгуулж буй "CONTEMPORARY SERIES" хамтарсан үзэсгэлэнг дэлгэжээ.
Энэ удаагийн CONTEMPORARY SERIES #11 - "Сүүлчийн зүүд | Уур амьсгалын өөрчлөлт" үзэсгэлэнд 9 залуу уран бүтээлч оролцож, уур амьсгалын өөрчлөлт, ялангуяа усны асуудлыг шинжлэх ухааны тайлангаас илүүтэй урлагийн мэдрэмж, концепцоор дамжуулан илэрхийлснээрээ онцлогтой юм. Үзэсгэлэнгийн бүтээлүүдээр дамжуулан байгаль эх болон хүний нарийн холбоос, алдагдсан цаг хугацаа, ирээдүйд үлдэх найдвар зэрэг нийгэм, экологийн чухал асуудлуудыг хөнджээ.
Уг үзэсгэлэнг НҮБ-ын Цөлжилттэй тэмцэх конвенцын Талуудын 17 дугаар бага хурал (COP17)-ын үеэр олон нийтэд хүргэхээр болсон байна.
"CONTEMPORARY SERIES" төслийн хүрээнд өнөөдийг хүртэл 100 гаруй уран бүтээлчийн 200 гаруй бүтээл цуглараад байгаа бөгөөд эдгээрээс сонгон COP17 хурлын үеэр дэлгэн үзүүлэх юм. Энэхүү үзэсгэлэн болон нээлтээ хийх баримтат кино нь COP17 бага хурлын иргэд, олон нийтэд нээлттэй "Ногоон бүс"-ийн хөтөлбөрт албан ёсоор орсон тул сонирхсон иргэд, бизнес эрхлэгчид болон залуучууд чөлөөтэй үзэж сонирхох боломжтой.
Ministry of Foreign Affairs of Mongolia published this content on August 03, 2026, and is solely responsible for the information contained herein. Distributed via Public Technologies (PUBT), unedited and unaltered, on August 03, 2026 at 03:52 UTC. If you believe the information included in the content is inaccurate or outdated and requires editing or removal, please contact us at [email protected]