THE AWARDS FOR THE CHAMPION OF THE PROVINCE, DETERMINED BY THE UGTAALTSAYDAM SUMAA, WERE PRESENTED IN THE CITY OF MASHIN.

Айлчлан ирж буй XVII жарны "Сүрээр дарагч" хэмээх гал морин жилийн сар шинийн баярын босгон дээр хөдөлмөр зүтгэлээ төрдөө үнэлүүлж, аймгийн аварга малчин өрхөөр шалгарсан Угтаалцайдам сумын Талын-Уул багийн малчин Сахьяагийн ЭРДЭНЭБАЯР, Хар-чулуут багийн малчин Ахадын НАМСРАЙ гэргий Ядамсүрэнгийн БАТЧИМЭГ нарын шагналыг аймгийн ЗДТГ-ын Салбарын хяналт, зхицуулалтын хэлтсийн дарга А.Амарбаясгалан, Аймгийн Онцгой байдлын газрын дарга хурандаа Г.Эрдэнэбат нар малчны хотонд нь гардуулан өглөө. С.Эрдэнэбаяр нь 18 наснаасаа мал маллаж хөдөө аж ахуйн салбар, орон нутгийнхаа хөгжилд үнэтэй хувь нэмрээ оруулан ажиллаж яваа сумын хошой аварга малчин юм. А.Намсрай, Я.Батчимэг нар бага залуу наснаасаа мал маллаж, мал маллах арга ухаанаа залуу үед өвлүүлэн сурталчилж, малын ашиг шимийг нэмэгдүүлэх, үүлдэр угсааг сайжруулахад онцгой анхаарч, гойд ашиг шимт алтан медаль хүртсэн одонт ухнаараа салбартаа манлайлж байна. Эрдэнэт малын буян хишиг арвижин дэлгэрэх болтугай.