Prime Minister´s Office of the Faroe Islands
Prime Minister´s Office of the Faroe Islands
09/25/2025 | Press release | Distributed by Public on 09/25/2025 08:39
Uppskot um berarakanningar sent til ummælis
Heilsumálaráðið hevur sent eitt uppskot til broyting í løgtingslóg um sjúkrahúsverkið til ummælis. Broytingaruppskotið hevur við sær, at Sjúkrahúsverkið skal skipa eitt tilboð um berarakanningar fyri deyðiligar ílegusjúkur í Føroyum.
Við lógaruppskotinum fáa øll í aldrinum 18 til 45 ár, og makar hjá staðfestum berarum, eitt tilboð um at kanna, um tey eru berarar av ávísum ílegusjúkum. Hetta styrkir sjálvræðið hjá einstaklingum og gevur familjum betri vitan at grunda sínar avgerðir á.
Talan er um deyðiligar ílegusjúkur, sum eru vanligari í Føroyum enn aðrastaðni, og sum ikki kunnu viðgerast. Hetta er fyrstu ferð, at eitt slíkt tilboð verður lógarfest í Føroyum.
Súsanna Bertholdsen, landsstýriskvinna í heilsumálum, sigur:
Við hesum uppskotinum, taka vit eitt stórt stig í arbeiðinum at fyribyrgja deyðiligum ílegusjúkum í Føroyum. Vit ynskja at geva pørum og einstaklingum betri møguleikar at taka upplýstar avgerðir við støði í vitan um egna arvaliga støðu.
Ætlanin er, at tilboðið við berarakanningum skal setast í verk 1. juli 2026. Broytingaruppskotið er sent til ummælis hjá viðkomandi pørtum og alment á ummælisportalin.
Prime Minister´s Office of the Faroe Islands published this content on September 25, 2025, and is solely responsible for the information contained herein. Distributed via Public Technologies (PUBT), unedited and unaltered, on September 25, 2025 at 14:39 UTC. If you believe the information included in the content is inaccurate or outdated and requires editing or removal, please contact us at [email protected]