Ministry of Foreign Affairs of the Republic of Uzbekistan
Ministry of Foreign Affairs of the Republic of Uzbekistan
06/10/2026 | Press release | Distributed by Public on 06/10/2026 07:39
BMTning Qochqinlar bo‘yicha oliy komissari boshqarmasining Markaziy Osiyo bo‘yicha mintaqaviy vakili bilan uchrashuv to‘g‘risida
2026-yil 10-iyun kuni O'zbekiston Respublikasi Prezidentining Afg'oniston bo'yicha Maxsus vakili Ismatulla Irgashev Birlashgan Millatlar Tashkilotining Qochqinlar bo'yicha oliy komissari boshqarmasining Markaziy Osiyo bo'yicha mintaqaviy vakili Mahir Safarli bilan uchrashdi.
Muloqot davomida tomonlar hamkorlikning ustuvor yo'nalishlarini, shuningdek, O'zbekistonning Afg'oniston xalqiga gumanitar va ijtimoiy yordam ko'rsatishdagi rolini muhokama qildi.
M.Safarli Termiz shahrida yaratilgan transport-logistika infratuzilmasi imkoniyatlarini yuqori baholadi hamda Afg'oniston xalqini qo'llab-quvvatlash bo'yicha ikki tomonlama hamkorlikni davom ettirishdan manfaatdor ekanligini bildirdi.
BMT Qochqinlar bo'yicha oliy komissari boshqarmasi vakili tashkilot faoliyatini doimiy qo'llab-quvvatlab kelayotgani, shuningdek, qo'shni Afg'oniston xalqiga muntazam g'amxo'rlik ko'rsatayotgani uchun O'zbekiston rahbariyatiga minnatdorlik bildirdi.
Bugungi kunda O'zbekiston-Afg'oniston chegarasi BMTning gumanitar institutlari yuklarini yetkazib berish uchun ishonchli koridor bo'lib xizmat qilayotgani alohida ta'kidlandi.
Ministry of Foreign Affairs of the Republic of Uzbekistan published this content on June 10, 2026, and is solely responsible for the information contained herein. Distributed via Public Technologies (PUBT), unedited and unaltered, on June 10, 2026 at 13:39 UTC. If you believe the information included in the content is inaccurate or outdated and requires editing or removal, please contact us at [email protected]