Ministry of Finance of the Republic of Armenia

11/09/2026 | Press release | Distributed by Public on 11/09/2026 04:29

Քննարկվել են մարզերում տնտեսական զարգացման հեռանկարները Facebook Google + Twitter 09.11.2026

Քննարկվել են մարզերում տնտեսական զարգացման հեռանկարները

Գյումրիում կայացած «Բանկերը և բիզնեսը Գյումրիում» էքսպոյի շրջանակում ՀՀ ֆինանսների նախարար Վահե Հովհաննիսյանը մասնակցել է «Մարզերի տնտեսական ներուժի իրացման պետական առաջնահերթությունները» թեմայով պանելային քննարկմանը։

Քննարկման առանցքում էին Գյումրու, Շիրակի մարզի և Հայաստանի մյուս մարզերի տնտեսական զարգացման հնարավորությունները, ներդրումների ներգրավումն ու գործարար ակտիվության խթանումը։

Նախարարն անդրադարձել է պետական բյուջեի առաջնահերթություններին, կապիտալ ներդրումների արդյունավետությանը և հարկային քաղաքականության հիմնական ուղղություններին՝ կարևորելով պետական ծախսերի դերը մարզերում տնտեսական ակտիվության, արտադրողականության և մասնավոր ներդրումների աճի ապահովման գործում։

Անդրադարձ է կատարվել նաև մարզերի տնտեսական ներուժն առավել արդյունավետ օգտագործելու, նոր աշխատատեղեր ստեղծելու և տնտեսական աճի հնարավորություններն ընդլայնելու հարցերին։

Պանելային քննարկմանը մասնակցել են նաև ՀՀ կենտրոնական բանկի նախագահ Մարտին Գալստյանը, ՀՀ Ազգային ժողովի պատգամավոր Բաբկեն Թունյանը և Շիրակի մարզպետ Դավիթ Առուշանյանը։

Ministry of Finance of the Republic of Armenia published this content on November 09, 2026, and is solely responsible for the information contained herein. Distributed via Public Technologies (PUBT), unedited and unaltered, on November 09, 2026 at 10:29 UTC. If you believe the information included in the content is inaccurate or outdated and requires editing or removal, please contact us at [email protected]