AKMC në Ditën Ndërkombëtare për Reduktimin e Riskut nga Fatkeqësitë, aktivitet ndërgjegjësues mbi parandalimim, përgatitjen dhe reagimin e koordinuar ndaj rreziqeve natyrore dhe emergjencave

Në Ditën Ndërkombëtare për Reduktimin e Riskut nga Fatkeqësitë, në kuadër të fushatës "Mbrojtja Civile në turne 2025", AKMC së bashku me UNDP Albania dhe Bashkinë e Elbasanit zhvilloi aktivitetin ndërgjegjësues për rëndësinë e parandalimit, përgatitjes dhe reagimit të koordinuar ndaj rreziqeve natyrore dhe emergjencave.

[Link]

Në aktivitet morën pjesë drejtori i Përgjithshëm i AKMC, z. Haki Çako, kryetari i Bashkisë Elbasan, z. Gledian Llatja, si dhe përfaqësues nga Prefektura e Qarkut Elbasan dhe institucione të tjera vendore.

Gjatë aktivitetit, qytetarët u informuam dhe ndërgjegjësuam mbi mënyrat e mbrojtjes, veprimet që duhen ndërmarrë në situata emergjente dhe rëndësinë e bashkëpunimit për ndërtimin e komuniteteve më të sigurta dhe më të qëndrueshme. Gjithashtu, qytetarët u njohën me pajisje të emergjencës, materiale ndërgjegjësuese, udhëzues praktikë dhe aktivitete ndërvepruese mbi mënyrat e reagimit në situata të rrezikut.

[Link]

Në vazhdim, u zhvillua një ndalesë në shkollën e mesme "Kostandin Kristoforidhi", ku u organizua një simulim i një emergjence nga zjarri. Nxënësit, nën drejtimin e mësuesve dhe ekipeve të zjarrfikësve, shërbimit të urgjencës mjekësore dhe vullnetarëve të Kryqit të Kuq Shqiptar, demonstruan mënyrat e evakuimit dhe reagimit në raste emergjente, duke treguar rëndësinë e njohjes së procedurave të mbrojtjes dhe vetëndihmës.

[Link]