Madrid / Ministri Hoxha vizitë në Institutin Mbretëror Elcano: Zgjerimi i BE-së në Ballkanin Perëndimor, një domosdoshmëri strategjike

Postimi i Ministrit për Europën dhe Punët e Jashtme, Ferit Hoxha, në X:

Një shkëmbim i shkëlqyer mendimesh në Madrid me Charles Powell dhe ekspertët e Institutit Mbretëror Elcano.

Zhvilluam një analizë të thelluar mbi zgjerimin e BE-së në Ballkanin Perëndimor si një domosdoshmëri strategjike, si dhe diskutuam sfidat komplekse me të cilat përballen aktualisht si BE-ja, ashtu edhe NATO. Ndamë gjithashtu këndvështrime mbi zhvillimet në Ukrainë dhe në Lindjen e Mesme.

Reflektime dhe vlerësime të çmuara që kontribuojnë për një Europë më të sigurt, më të fortë dhe më të integruar.