Ministry of Foreign Affairs of the Republic of Armenia

11/08/2025 | Press release | Distributed by Public on 11/08/2025 06:52

ՀՀ ԱԳ նախարարի տեղակալ Ռոբերտ Աբիսողոմոնյանի հանդիպումը Կոտ դ՛Իվուարի ԱԳ նախարար Կակու Հուաջա Լեոն Ադոմի հետ

ՀՀ ԱԳ նախարարի տեղակալ Ռոբերտ Աբիսողոմոնյանի հանդիպումը Կոտ դ՛Իվուարի ԱԳ նախարար Կակու Հուաջա Լեոն Ադոմի հետ

08 նոյեմբերի, 2025
Ներբեռնել լուսանկարը
Տեսադարան

Նոյեմբերի 7-ին Բրազիլի Բելեմ քաղաքում` ՄԱԿ-ի Կլիմայի փոփոխության մասին շրջանակային կոնվենցիայի Կողմերի 30-րդ համաժողովին (COP30) ընդառաջ կազմակերպված առաջնորդների գագաթնաժողովի շրջանակներում, ՀՀ ԱԳ նախարարի տեղակալ Ռոբերտ Աբիսողոմոնյանը հանդիպում է ունեցել Կոտ դ՛Իվուարի արտաքին գործերի, աֆրիկյան ինտեգրման և արտերկրում գտնվող Կոտ դ'Իվուարցիների նախարար Կակու Հուաջա Լեոն Ադոմի հետ։

Հանդիպմանն անդրադարձ է կատարվել ինչպես երկկողմ, այնպես էլ բազմակողմ ձևաչափերում փոխգործակցությանն առնչվող հարցերին։ Երկուստեք ընդգծվել է միջազգային կազմակերպությունների շրջանակներում ձևավորված փոխշահավետ համագործակցությունը։

Մտքեր են փոխանակվել 2026թ․ Երևանում կայանալիք Կենսաբանական բազմազանության մասին ՄԱԿ-ի կոնվենցիայի կողմերի 17-րդ համաժողովի շուրջ։ ԱԳ նախարարի տեղակալ Ռոբերտ Աբիսողոմոնյանը ներկայացրել է ՀՀ առաջնայնությունները և ընդգծել Համաժողովի կարևորոթյունը Կունմին-Մոնրեալի կենսաբազմազանության գլոբալ շրջանակի հանձնառությունների առաջին գլոբալ վերանայման համատեքստում։

Անդրադառնալով երկկողմ օրակարգին` կողմերն ընդգծել են քաղաքական երկխոսության խթանման և ոլորտային համագործակցության շրջանակի ընդլայնման կարևորությունը:

Ministry of Foreign Affairs of the Republic of Armenia published this content on November 08, 2025, and is solely responsible for the information contained herein. Distributed via Public Technologies (PUBT), unedited and unaltered, on November 08, 2025 at 12:52 UTC. If you believe the information included in the content is inaccurate or outdated and requires editing or removal, please contact us at [email protected]