Ministry of Foreign Affairs of the Republic of Uzbekistan
Ministry of Foreign Affairs of the Republic of Uzbekistan
07/08/2026 | Press release | Distributed by Public on 07/08/2026 07:20
Turkiyaning «Adolat va taraqqiyot» partiyasi raisi o‘rinbosari bilan uchrashuv to‘g‘risida
2026-yil 8-iyul kuni O'zbekiston Respublikasi tashqi ishlar vaziri o'rinbosari Mirvohid Azimov birinchi Xalqaro islom sivilizatsiyasi forumida ishtirok etish uchun Toshkent shahriga tashrif buyurgan Turkiyaning hukmron «Adolat va taraqqiyot» (AK Parti) partiyasi raisi o'rinbosari, turkshunos olim va professor Kurshad Zorlu bilan uchrashuv o'tkazdi.
Muloqot davomida O'zbekiston va Turkiya o'rtasidagi keng qamrovli strategik sheriklik munosabatlarini yanada rivojlantirish masalalari yuzasidan fikr almashildi.
Tomonlar ikki tomonlama hamkorlikning ustuvor yo'nalishlari, shuningdek, Turkiy davlatlar tashkiloti doirasidagi hamkorlikni mustahkamlash va qo'shma tashabbuslarni ilgari surish istiqbollarini muhokama qildi.
Shuningdek, madaniyat, ta'lim, ilm-fan va turizm sohalarida yangi qo'shma loyihalarni amalga oshirish hamda amaliy hamkorlikni yanada faollashtirish muhimligi qayd etildi.
Joriy yilda Turkiyada o'tkaziladigan TDT sammitiga tayyorgarlik masalalari ko'rib chiqildi.
Ministry of Foreign Affairs of the Republic of Uzbekistan published this content on July 08, 2026, and is solely responsible for the information contained herein. Distributed via Public Technologies (PUBT), unedited and unaltered, on July 08, 2026 at 13:21 UTC. If you believe the information included in the content is inaccurate or outdated and requires editing or removal, please contact us at [email protected]