Vazhdon trendi i rritjes së Makedonski Telekomit në fund të nëntë muajve të parë të vitit 2026

Vazhdon trendi i rritjes së Makedonski Telekomit në fund të nëntë muajve të parë të vitit 2026

30.10.2026

Makedonski Telekom e vazhdoi trendin e rritjes së investimeve në inovacione dhe infrastrukturë në nëntë muajt e parë të vitit 2026.
Investimet totale kapitale (CAPEX) në fund të nëntë muajve të parë të vitit 2026 arritën në 1.474 milionë denarë. Fitimi operativ para interesave, tatimimit dhe amortizimit (EBITDA) u rrit për 4.8 për qind krahasuar me të njëjtën periudhë të vitit të kaluar, ndërsa fitimi neto për 5.0 për qind. Të ardhurat nga shitjet gjithashtu janë rritur për 6.3 për qind.

Zhvillimi i rrjetit të parë 5G+ në Maqedoni

Makedonski Telekom e ka vendosur rrjetin e parë 5G+ në Maqedoni, duke e shënuar fillimin e një epoke të re në zhvillimin e shërbimeve celulare. Ky është ndryshimi më i madh në rrjetet celulare në dekadën e fundit dhe një themel i ri teknologjik që do të mundësojë një lidhje më fleksibile dhe të personalizuar.
Zgjerimi i infrastrukturës optike vazhdon, me të cilën mbulojmë 393 mijë qasje në optikë, që është pothuajse dyfishi i të gjithë operatorëve të tjerë në treg së bashku dhe 9 për qind më shumë se në të njëjtën periudhë të vitit të kaluar. Rrjeti 5G mbulon 97.9% të popullsisë me shpejtësi gigabit në pothuajse të gjitha qytetet e vendit.

Rritje e numrit të abonuesve në të gjitha segmentet

Angazhimi ynë për të ofruar një përvojë superiore për abonuesit ka çuar në një rritje të numrit të abonuesve dhe lidershipit në të gjitha segmentet.

Numri i abonuesve të internetit me shtrirje të gjerë është rritur për 3.1 për qind dhe arrin në 231 mijë, ndërsa numri i përgjithshëm i qasjeve në internet është rritur për 2.7 për qind. Në komunikimet celulare, baza e abonuesve është rritur për 0.9 për qind dhe arrin 1.348 milionë.

Në telefoninë fikse, mbetëm në pozicionin kryesor me 243 mijë abonues. Në tregun e televizionit, kemi pozicion kryesor me pjesëmarrje prej 38.9 për qind, me rritje prej 5.3 për qind ose 175 mijë abonues në fund të nëntë muajve të parë të vitit 2026.
Me programin tonë të shpërblimeve dhe përfitimeve digjitale për abonuesit - Magenta Moments, kemi arritur 477.000 klientë. Sipas indeksit TRI*M për matjen e kënaqësisë së abonuesve, ne jemi brendi numër 1 i telekomunikacionit në Maqedoni.