Ministry of Foreign Affairs of the Republic of Armenia

05/18/2026 | Press release | Distributed by Public on 05/18/2026 09:57

ՀՀ ԱԳ նախարարի տեղակալը մասնակցել է «Դպրոցական սնունդ» ծրագրի բարձր մակարդակի տարածաշրջանային միջոցառմանը

ՀՀ ԱԳ նախարարի տեղակալը մասնակցել է «Դպրոցական սնունդ» ծրագրի բարձր մակարդակի տարածաշրջանային միջոցառմանը

18 մայիսի, 2026

Մայիսի 18-ին ՀՀ ԱԳ նախարարի տեղակալ Ռոբերտ Աբիսողոմոնյանը մասնակցել և բացման խոսքով հանդես է եկել «Դպրոցական սննդի կայուն ազգայնացումը գլոբալ և տարածաշրջանային համատեքստում» խորագրով բարձր մակարդակի տարածաշրջանային միջոցառմանը: Հանդիպմանը մասնակցում էին տեխնիկական ճանաչողական այցով Հայաստան ժամանած Ղրղզստանի և Տաջիկստանի բարձրաստիճան պատվիրակությունները, ինչպես նաև Պարենի համաշխարհային ծրագրի՝ սովի դեմ պայքարի Բրազիլի գերազանցության կենտրոնի ներկայացուցիչները։

ՀՀ ԱԳ նախարարի տեղակալ Ռոբերտ Աբիսողոմոնյանն իր բացման խոսքում կարևորել է Հայաստան ճանաչողական այցի կազմակերպումը՝ ընդգծելով պարենային անապահովության, կլիմայի փոփոխության և մատակարարման շղթաների խափանումների գլոբալ մարտահրավերների պայմաններում երկրների միջև համագործակցության խթանումը և լավագույն փորձի փոխանակումը։

ԱԳ նախարարի տեղակալն ընդգծել է, որ «Դպրոցական սնունդ» ծրագիրը սոցիալական պաշտպանության, երեխաների առողջ սննդի և ապրելակերպի ոլորտում Հայաստանի լավագույն փորձը վկայող նշանակալի օրինակներից է: Կարևորվել է ծրագրի դերը տեղական համայնքների ամրապնդման և առավել դիմակայուն պարենային համակարգերի զարգացման գործում:

ԱԳ նախարարի տեղակալ Ռոբերտ Աբիսողոմոնյանը բարձր է գնահատել ծրագրի մշակման և գործարկման ընթացքում Պարենի համաշխարհային ծրագրի հայաստանյան գրասենյակի հետ համագործակցությունը։ Ընդգծվել է նաև ծրագրի դերն ազգային ինստիտուցիոնալ կարողությունների ամրապնդման գործում, որի շրջանակներում ՀՀ կառավարությունը ներկայումս մարզերում ապահովում է դրա իրականացումը:

Ministry of Foreign Affairs of the Republic of Armenia published this content on May 18, 2026, and is solely responsible for the information contained herein. Distributed via Public Technologies (PUBT), unedited and unaltered, on May 18, 2026 at 15:57 UTC. If you believe the information included in the content is inaccurate or outdated and requires editing or removal, please contact us at [email protected]