Средба на ДСЕК Елена Кузмановска со Медлин Нокс, директорка за Западен Балкан во британското МНР, Комонвелт и Развој

Денес, државниот секретар во Министерството за надворешни работи и надворешна трговија, Елена Кузмановска, оствари средба со заменик директорот и директорката за Западен Балкан во Министерството за надворешни работи, Комонвелт и развој на Обединетото Кралство на Велика Британија и Северна Ирска, Медлин Нокс.

На средбата, беа взаемно потврдени одличните билатерални односи и успешната соработка меѓу двете земји, кои ги карактеризираат меѓусебно почитување, партнерски однос и меѓусебна поддршка, како и интензивен политички дијалог и размена на средби на високо ниво.

Државниот секретар Кузмановска ја истакна важноста од одржувањето интензивна соработка и цврсти односи како земји сојузнички во НАТО, и се заблагодари за важната билатерална советодавна и одбранбена соработка со Обединетото Кралство, оценувајќи ја како особено успешна.

Посебен акцент на средбата беше ставен на економските и трговските односи, при што Кузмановска изрази задоволство што нашата земја е сеуште првиот трговски партнер на Обединетото Кралство меѓу земјите од регионот и ја истакна посветеноста на новата Влада, и посебно на Министерството за надворешни односи и надворешна трговија, за натамошно интензивирање и зголемување на британските инвестиции во нашата земја.

Директорката за Западен Балкан во Министерството за надворешни работи, Комонвелт и развој на Обединетото Кралство на Велика Британија и Северна Ирска, Нокс истакна дека како силни партнери во НАТО, Обединетото Кралство е посветено на зајакнување на британско-македонското партнерство, кое се заснова на посветеноста кон заедничките вредности и соработката по стратешките прашања, колективната безбедност и стабилноста, како и можностите за продлабочување на постоечките трговски и инвестициски односи меѓу двете земји.