MALELEGA AFIOGA I LE AO MAMALU O LE MALO – TUIMALEALIIFANO VAALETO’A SUALAUVI II 2025.

Malelega o le 63 Tausaga o le Tutoatasi, 02 Iuni 2025 Apia, Samoa

E faatalofa atu i Lau Susuga i le Taitai o le Sauniga, Susuga Rev.Aisoli Iuli, Taitaifono o Ekalesia Soofaatasi

A outou Afioga i Sui o le Fono a Sui Tofia

Lau Afioga i le Tamaitai Palemia ma le Kapeneta

Lau Afioga i le Fofoga Fetalai ma Sui Mamalu o le Palemene o Samoa

Lau Afioga i le Faamasino Sili ma le Vasega o le Faamasinoga

Lau Afioga i le Kovana Sili o Amerika Samoa

Lau Afioga i le Ulu o Tokelau

Members of the Diplomatic Corps

Faauluululuga o Matagaluega ma Faalapotopotoga a le Malo, Pisinisi ma le Vaega Tumaoti

Le Paia o le Aufaigaluega Totofi a le Atua i fata faitaulaga e fia

Le mamalu o le atunuu ua auai mai i lenei sauniga, ma e o loo maimoa ma faafofoga tapuai mai e le gata i Samoa nei, ae faapea ma atunuu mamao.

O le paia lava lea aua Aiga ma Tama, o Tama ma Aiga, Tumua ma Pule, Ituau ma Alataua, Aiga i le Tai ma le Vaa o Fonoti, ae tainane, Sua ma le Vaifanua, Fofo ma Aitulagi, Sa'ole ma le Launiu Saelua, afifio Faatui ma Tootoo, ma upu i le Manuatele.

E faatalofa atu foi i faalapotopotoga ma aoga eseese, tupulaga talavou, alo ma fanau ua faatasi mai i Matagialalua nei, mo le savali faaaloalo o le faamanatuina o le 63 tausaga o lo tatou Malo Tutoatasi.

Ua fotu malama nei le ataata o tauleleia, e pei ona mo'omo'o ai le tamaita'i o Fitimaupologa, ina ua lafoia i ulugalu le malu a le Tapuitea. Ua taoto foi i le vai le ataata o le tama o Samoanagalo, auā o lea ua fana'elupe le la o le taeao manino ma le taeao toto'a. Ua fia gagana ai nei le faugagana, sei sula ma ailao le matagofie o le Atua Foafoa, le Atua le Tama, le Alo, ma le Agaga Paia ua faavae ai lo tatou Malo. Ou te fia ta'ua ai nisi o upu a le Fai Salamo, e faapea, "Amuia le nuu poo le atunuu ua Atua i le Alii." ma ou faapea atu ai, 'Amuia Samoa ua Atua i le Alii.'

O lea ua tatou toe aleaga piioa i Matagialalua nei i le lagimanino ma le to'alaulelei, aua o le Alii lo tatou Atua sa na taitaiina le folauga a lo tatou sa, ma tau ai i manū le faamoemoe o lenei taeao. Ua tatou aulia ai i lana pule faasoifua le 63 tausaga o lo tatou Malo Tutoatasi. Ua faamalo le lagi e mama ma le soifua maua, ua faamalo foi le folau.

Le atunuu e, aua lava nei galo, o le Malo Tutoatasi o Samoa, o lo tatou tofi mai le Atua. O le faamanatuina ai i tausaga taitasi o le avea o Samoa ma Malo Tutoatasi, o le tatou faamanatuina foi lea mai le tasi augatupulaga i le isi, o le alofa tunoa o le Atua. Na maua ai e o tatou tuaa le loto tele, le malosi, le poto, ma le tamaoaiga, e fausia ma atinae ai le malo o si o tatou atunuu, lenei ua tatou 'ae'ae ai ma sa'o i maa o malie.

A tomanatu i futia ua sola, i atuvasa e fia sa tauasa mai ai le folauga a lo tatou atunuu seia oo mai i lenei taeao, e maeu le faamaoni o lo tatou Atua. Na maua ai e Samoa le saolotoga mai pulega faakolone, lenei ua faafoeina ma pulea ai lo tatou Malo Tutoatasi, e o tatou lava taitai ma tagatanuu. Ia faafoi ai pea le viiga ma sii le faafetai i lo tatou Tapaau i le Lagi, aua o lana taitaiga ma ona aao faaloaloa o loo tā'ui ma malu tapuaaoina ai pea lo outou soifua ma lo tatou ola, aemaise o lo tatou tofi ma lo tatou faasinomaga o Samoa, o lana meaaofa mo i tatou.

Ae leai lava se folauga e le fetaia'i ma fita ma luitau o le vasa, ma o aga ia o le soifuaga i le ola nei. E tata logo atu ai Masefau, le atunuu e, tau lava ina tatou mataala i gaioiga a le alii o le lalolagi, nei vaivai ai le faatuatua i le taitaiga mana a le Atua faatonu folau, i tai malu ma peau lalaga o le vasa. O ia e fotua'i ai pea malama, ma maua le to'a lagilelei, e folau saogalemu ai le sa o Samoa.

E momoli atu ai le faafetai tele i taitai o Ekalesia ma le aufaigaluega totofi a le Atua, ona o la outou tatalo ma faanonoga manū i le Atua, ina ia manuia ma toafilemu Samoa o lo tatou tofi ma lo tatou faasinomaga mai ia te ia. E talitonu, o loo susulu foi le lamepa a le 'au faatuatua i totonu o afioaga ma nuu, faapea aiga, i anapogi ma tatalo faifaipea mo le filemu ma le manuia o o tatou ta'itai faapea lo tatou atunuu. Faamalo le faatoatoa.

E momoli atu foi le faamalo ma le faafetai i Lau afioga i le Tamaitai Palemia ma le Kapeneta, le Fofoga Fetalai ma le Palemene a Samoa, le Faamasino Sili ma le Faamasinoga, faapea matagaluega ma faalapotopotoga a le malo, mo galuega uma sa outou fita i tuga ai e oo mai i lenei taeao. E le faigofie lo tou valaauina. Ae ui ina fogava'a eseese i tiute ma matafaioi, ae o le auga o ūte o la outou mulumuluga aufoe, ia manuia Samoa ma ona tagata. Faamalo fai o le faiva.

E faafetai atu foi Samoa le atunuu pele, i pulega mamalu a Alii ma Faipule, o Fono Faavae faaleitumalo, o Saoao ma Tamaitai, Faletua ma Tausi, o tama ma tina matutua, mo au tou tatalo, lau tou tapuaiga, lou tou lagolagosua, ma au tou galuega uma mo le manuia o afioaga ma nuu, ekalesia ma le atunuu, aemaise lo tatou malo. O lāu tou tofā mamao ma le fa'autaga loloto foi, o lo'o tumau ai Samoa i lona mamalu ma le to'a filemu, aemaise o le malupuipuia o tapuaiga i le Atua.

E fia ta'ua foi le sao aoga o le au faipisinisi, o e fai atina'e, o faalapotopotoga eseese o loo faia auaunaga faapitoa.

E manatua foi le tautua ma le agalelei o aiga ma uo o loo papaaao ma alaala i atunuu mamao, ma fesoasoani mai.

E momoli atu foi le faafetai i aumaga ma le malosi o nuu o loo faia le faiva o le tautua, faapea alo ma fanau o feagai ma galuega, a'oa'oga, taaloga, ma isi faiva e maua ai le lumanai manuia. O le ala i le pule o le tautua. Ia manatua foi, o outou o le lumanai o Samoa.

E manatua foi ma le faagaeetia tamafanau o loo fai ma avefu'a a Samoa i galuega, tofiga, ma faalagamaea i atunuu mamao, o loo ta'uleleia ai faavaomalo le igoa o lo tatou atunuu.

E faafetai atu foi i le mamalu ua potopoto mai e molimauina le famanatuina o le 63 tausaga o lo tatou Malo Tutoatasi, aemaise o nai alo ma fanau ua sauni mai mo le savali faaaloalo i lenei taeao. Faamalo le lotonuu.

E ta'ua foi ma le agaga faafetai le fesoasoani faifaipea a nai a tatou paaga faalemalo mai atunuu mamao mo le atinaeina o le tatou Malo.

Samoa e, ua so'o taiao ma ua tini le matā lālaga e ala i lau faatamasoaliiga o lenei tausaga, e le faaitiitia ai le agaga faafetai i le Atua i lenei taeao. Ua malo le pale, ua faamalo le folau. O lea ua atuē le faga i foa, ae faamalo le faga i pa'au, ua atoa le 63 tausaga o lo tatou malo tutoatasi. Ae o le tatalo a le tou auauna, aua nei faagaloina le alofa o le Atua ia Samoa. Ia avea lava le alofa o le Atua e fai ma tapasa e folau tiu ai le sa o Samoa, i le agaga e tasi ma le faamoemoe e tasi, ia filemu ma fealofani o tatou tagata, ma galulue punouai mo se lumanai manuia o le tatou malo ma le atunuu.

O le alofa faale Atua e onosai, e agamalu, e le losilosi, e le mitamita vale, e le faafefeteina, e le amio mataga, e le sailia e ia ana lava mea, e le faaitaitagofie, e le faitau leaga ua tuuina mai e nisi, e le fiafia i le amio leaga, ae fiafia i le faamaoni. O le alofa e lavatia mea uma, e leai se mea e gata mai ai lona faatuatua, ma lona faamoemoe, ma lona onosai. E le uma le alofa.

Ia faamanuia tele le Atua i le Malo Tutoatasi o Samoa ma le atoaga o lona 63 tausaga. Ia faamanuia foi le Atua i le mamalu ua aofaga potopoto mai, faapea Samoa aoao.

Soifua.

INDEPENDENCE DAY ADDRESS BY THE HEAD OF STATE AFIOGA TUIMALEALIIFANO VAALETO'A SUALAUV III. 63 years of Independence, 2nd June, 2025 Apia, Samoa

Today, we gather in solemn tribute and heartfelt gratitude to Almighty God, whose enduring grace has once again united us in a spirit of peace and reflection.

In this sacred moment, we humbly acknowledge His divine hand that has faithfully guided Samoa through the tides of history, leading us safely to this momentous occasion, the commemoration of sixty-three years of our independence as a sovereign nation. And through our celebration today, we declare and affirm that all honour and glory belong to God for our heritage from Him, and for the progress and development we have achieved as a nation.

In contemplating the unfolding of time, and the challenges and trials that have defined our national story over these sixty-three years, we remember with abiding love and solemn reverence our forefathers, who valiantly championed our freedom, and laid the foundations of our sovereignty. And we hold an unwavering conviction, that God's bountiful grace and unfailing faithfulness guided them in their pursuit of independence, and crowned their efforts with triumph. That same boundless grace and unwavering faithfulness of God have guided, protected, and preserved our identity and legacy through the generations, empowering us as a people and nation, to govern ourselves and shape the course of our own destiny.

Challenges and trials are enduring truths of life. Yet, in the face of adversity, I am reminded of the timeless words of the Psalmist, "Blessed is the nation whose God is the Lord". With conviction and pride, I echo, "Blessed is Samoa whose God is the Lord," as declared in our Constitution. Through our trials and tribulations, He has been our shield, our glory, and the lifter of our heads. And, in declaring that God is the foundation of our strength as an Independent State, we affirm our steadfast faith that when God is at the heart of our lives, we shall be blessed as a nation; and no force of this world, and no scheme to divide, disrupt or sow dissension amongst our people, can prevail against a sovereign country, anchored in divine purpose. Even the deepest divides can be bridged, and every adversity can be overcome as we press forward in unity and progress.

I offer my heartfelt gratitude to the church leaders and clergy of all Christian denominations across Samoa. Your steadfast commitment and faithful intercession have played a vital role in upholding the peace and unity of our nation, especially through times of hardship and uncertainty.

I would like to extend my sincere thanks to the Honourable Prime Minister and Cabinet, the Honourable Speaker and Members of Parliament, His Honour the Chief Justice and Judiciary. Thank you for your tireless efforts in guiding our nation forward. Your leadership, vision, and commitment to the betterment of Samoa, and the upholding of the law and justice for all, are deeply appreciated.

To all government ministries and corporations, your hard work, collaboration, and service to our nation, do not go unnoticed.

I acknowledge the leaders and people of our districts, villages, and communities. I am deeply grateful for your continued efforts and invaluable contribution to the advancement of our country, particularly our government. Your far-reaching influence and steadfast commitment remain the bedrock upon which Samoa's enduring peace is sustained and dignity upheld.

To our beloved relatives and friends residing abroad, thank you for your steadfast support and love for Samoa.

To the business community, thank you for your commitment to economic growth, and providing opportunities and livelihood for our people.

To our various organisations offering support and assistance to our people with special needs, thank you for your compassion and your tireless work.

To our development partners, thank you for standing with Samoa in our journey of growth and resilience

To our children and schools who are with us this morning to witness our Independence celebration, and participate in the march past, I am proud of you. Remember, you are the enduring hope and future of our nation. One day, some of you will be the leaders of Samoa.

As we reflect on the journey we have taken, may we never forget the blessings we share as a people and nation; rooted in faith, love, and family, the precious values that continue to guide us through every challenge and triumph.

Now, more than ever, I make a heartfelt plea.

Samoa, let us go forward as a nation, bound not by differences, but by the spirit of peace, unity, and respect for one another.

Let us walk together in humility and compassion, guided always by our faith in God, who will never forsake us.

Let us rise above division, and hold fast to the truth, that we are stronger when we are united, and strongest when we have God and love within us.

As the Holy Scriptures declare, Love is patient; love is kind; love is not envious or boastful or arrogant or rude. It does not insist on its own way; it is not irritable or resentful; it does not rejoice in wrongdoing, but rejoices in the truth. It bears all things; believes all things; hopes all things; endures all things. Love never ends.

May God bless Samoa and our celebration of 63 years of independence. May His grace and special favour be upon you all.

Soifua.