Samantekt ráðuneytisstjórahóps um jöklaferðir, í kjölfar banaslyss á Breiðamerkurjökli

Á fundi ríkisstjórnar 27. ágúst sl. var ákveðið að koma á fót starfshópi ráðuneytisstjóra forsætisráðuneytis, menningar- og viðskiptaráðuneytis, umhverfis-, orku- og loftslagsráðuneytis og dómsmálaráðuneytis til að afla upplýsinga um banaslys sem varð í skipulagðri ferð í jöklaferð á Breiðamerkurjökli sunnudaginn 25. ágúst. sl. og skoða öryggi í íshellaferðum almennt.

Starfshópurinn kallaði eftir skýrslum varðandi atvikið frá Ferðamálastofu og Vatnajökulsþjóðgarði og átti fundi með Veðurstofunni, Vatnajökulsþjóðgarði, Ferðamálastofu, Samtökum ferðaþjónustunnar, Hornafjarðarbæ, Mýrdalshreppi, Bláskógabyggð, Borgarbyggð, Ferðamálasamtökum Austur- Skaftafellssýslu og Félagi fjallaleiðsögumanna. Samantekt ráðuneytisstjórahópsins var kynnt á fundiríkisstjórnar 8. nóvember. Sjá minnisblað hér.

Í tillögum starfshópsins, sem í framhaldi þarfnast nánari útfærslu í samráði við haghafa, koma fram eftirfarandi ábendingar til úrbóta:

1. Öryggisáætlun ferðaþjónustuaðila jöklaferða verði hluti leyfisveitingaferils

2. Auknar kröfur verði gerðar í samningum Vatnajökulsþjóðgarðs við ferðaþjónustuaðila um menntun og reynslu leiðsögumanna

3. Sömu kröfur verði gerðar til ferðaþjónustuaðila á þjóðlendum og í þjóðgörðum með nýtingarsamningum við sveitarfélög

4. Menntun leiðsögumanna verði betur tryggð innan menntakerfisins og/eða með stuðningi við Félag fjallaleiðsögumanna

5. Unnið verði áhættumat á jöklum sem nýtt verði til að meta áhættu í skipulögðum jöklaferðum

6. Haldin verði skrá um slys og óhöpp í ferðaþjónustu.

Samantekt starfshópsins verður vísað til nánari úrvinnslu innan starfshóps á vegum menningar- og viðskiptaráðherra um bætt öryggi ferðamanna, en sá starfshópur tók til starfa í september á grundvelli þingsályktunar um ferðamálastefnu og aðgerðaáætlun til 2030 sem samþykkt var í júní sl.

Viðaukar 1-8 með með minnisblaði sem lagt var fyrir ríkisstjórn í morgun:

Jöklaferðir - Viðauki 1.docx

Viðauki 2 - Jöklaferðir.docx

Viðauki 3 - Um skýrslu starfshóps frá 2021.docx

Viðauki 4 - Fyrirkomulag í Noregi.docx

Viðauki 5 - Ferðamálastefna og aðgerðaáætlun hennar.docx

Minnisblað VÍ og HÍ jöklaferðir 09_2024.pdf

Viðauki 7 - Glærukynning VÍ.pdf

20241001 - Vatnajökulsþjóðgarður - Íshellaferðir og jöklagöngur - samantekt.pdf