“Сахилга ёс зүй, харилцаа хандлага”-ын талаарх санал асуулгад оролцоно уу

Улсын бүртгэлийн ерөнхий газрын Ёс зүйн хорооны 2026 оны 07 дугаар сарын 09-ний өдрийн чиглэлийн хүрээнд Улсын бүртгэлийн хэлтсээс үзүүлж буй суурь бүртгэлийн үйлчилгээний чанар, үйлчилгээний соёл, албан хаагчдын харилцаа, хандлага, ёс зүй, авлига, ашиг сонирхлын зөрчлөөс ангид байдал болон мэргэжлийн ур чадвартай холбоотой асуудлыг тодорхойлох зорилгоор "Сахилга ёс зүй, харилцаа хандлага" сэдэвт санал асуулгыг зохион байгуулж байна.

Энэхүү санал асуулгын үр дүнд тулгуурлан иргэдэд үзүүлж буй бүртгэлийн үйлчилгээний чанар, хүртээмжийг нэмэгдүүлэх, албан хаагчдын ёс зүй, харилцаа хандлага болон мэргэжлийн ур чадварыг сайжруулах чиглэлээр цаашид хэрэгжүүлэх арга хэмжээг тодорхойлох юм.

Иймд иргэд, үйлчлүүлэгч та бүхэн асуулт бүрийн хариултын сонголтоос өөрт тохирох хариултыг сонгон, нээлттэй асуултад санал, сэтгэгдлээ чөлөөтэй, үнэн зөв илэрхийлж, санал асуулгад идэвхтэй оролцоно уу.

Санал асуулгыг Google Forms ашиглан цахимаар явуулах бөгөөд оролцогчдын и-мэйл хаяг болон хувийн мэдээллийг цуглуулахгүй. Судалгааны мэдээллийн аюулгүй байдлыг бүрэн хангаж, үр дүнг зөвхөн нэгтгэн боловсруулах, танилцуулга бэлтгэх зорилгоор ашиглана.

Таны өгсөн санал, үнэлгээ нь улсын бүртгэлийн байгууллагын үйлчилгээний чанар, албан хаагчдын ёс зүй, харилцаа хандлагыг сайжруулахад үнэтэй хувь нэмэр оруулах болно.

Санал асуулгад оролцох холбоос: https://docs.google.com/forms/d/e/1FAIpQLSdhUJuVaLLCY5LqPQfKSeZFkKaEs1pK9d5nbQrhEwvf7Ss0lg/viewform?usp=header