Reinsekrav frå 1991 er ikkje godt nok gjennomført i Noreg

- Vi skal følgje EØS-reglane vi har forplikta oss til. Difor har eg bede om ein gjennomgang av den norske gjennomføringa av avløpsdirektivet, seier klima- og miljøminister Andreas Bjelland Eriksen (Ap).

Klima- og miljødepartementet har no gått gjennom måten Norge har gjennomført EUs regler for reinsing av avløpsvatn. Dette vil seie at departementet har sjekka om reglane i avløpsdirektivet er tatt inn i norske lover og reglar på riktig måte. Gjennomgangen syner at mykje er gjort riktig, men at det også finst nokre mangler i regelverket.

Kva er utfordringa?

Avløpsdirektivet frå 1991 blei gjennomført i norsk rett på 2000-talet og skal verne naturen mot ureining frå avløpsvatn.

Gjennomgangen syner blant anna at

• nokre reinsekrav er definert annleis i Noreg enn i EU

• enkelte fristar har vort lenger enn i EU

• det ikkje er tydeleg nok når det skal stillast krav om å fjerne nitrogen

Gjennomgangen gir ikkje grunnlag for å fastslå at måten direktivet blei gjennomført på er årsaka til dagens utfordringar med avløpsreinsing i Noreg, men det kan ikkje utelukkast å ha hatt ein viss innverknad.

Vil rette opp

Miljøstyresmaktene har over tid styrka innsatsen på avløpsområdet. Dette har gitt betre reinsekapasitet og auka oppfylling av krava. Likevel er det framleis mange anlegg som ikkje oppfyller krava i direktivet og det er framleis behov for styrkt innsats.

Regjeringa vil nå følgje opp funna fra kartlegginga.

- Vi vil følgje opp funna og gjere reglane tydelegare. Vi skal også sørge for veiledning før endringane i regelverket er på plass, seier Bjelland Eriksen.

Regjeringa varsla i fjor at Noreg skal gjennomføre nye reinsekrav frå EU. Dette vil krevje ei endring av norsk regelverk. Manglane som no er identifisert, vil bli følgt opp i dette arbeidet.