“Ognaryvirlit” og “Fiskirættindi” 2026 tøk á heimasíðuni

Endamálið við útgávunum "Ognaryvirlit" og "Fiskirættindi" 2026 er at tryggja gjøgnumskygni, og at fólk á einfaldan hátt fáa yvirlit yvir, hvørji samtøk, feløg ella persónar eiga fiskiførini í føroyska fiskiflotanum, og hvussu fiskirættindini eru skipað og býtt.

"Ognaryvirlit 2026" vísir, hvørji samtøk, feløg ella persónar eiga fiskiførini í føroyska fiskiflotanum.

"Fiskirættindi 2026" er eitt yvirlit yvir fiskirættindi hjá føroyska fiskiflotanum.

Yvirlitið er ein lýsing, ið er bygd upp í trimum stigum:

1. Bólkar. Í kunngerð eru fiskirættindi skipað í bólkar, tað merkir kvotu- og fiskidagabólkar ella annað slag av bólkum.
2. Feløg. Fiskirættindi verða latin til feløg ella einstaklingar.
3. Skip og bátar. Feløg ella einstaklingar knýta rættindini at fiskiførum.

Tað eru Vørn og Uttanríkis- og fiskimálaráðið, sum standa fyri útgávunum.

Yvirlitini liggja á heimasíðunum hjá Uttanríkis- og fiskimálaráðnum og Vørn

www.ufmr.fo / KUNNING / Frágreiðingar og álit - Fiskivinnumál

www.vorn.fo / FISKIVEIÐA / Ognaryvirlit ella Fiskirættindi