Ministry of Foreign Affairs of the Republic of Armenia

02/24/2026 | Press release | Distributed by Public on 02/24/2026 13:13

ՄԻԽ 61-րդ նստաշրջանի շրջանակներում «Մարդու իրավունքների իրականացման գործում համակարգվածության և հետևողականության բարելավումը թվային գործիքների միջոցով» խորագրով հարակից միջոցառում

ՄԻԽ 61-րդ նստաշրջանի շրջանակներում «Մարդու իրավունքների իրականացման գործում համակարգվածության և հետևողականության բարելավումը թվային գործիքների միջոցով» խորագրով հարակից միջոցառում

24 փետրվարի, 2026

Փետրվարի 24-ին Ժնևում՝ Մարդու իրավունքների խորհրդի նստաշրջանի ընթացքում Հայաստանի ԱԳ նախարարության և Մարդու իրավունքների դանիական ինստիտուտի կողմից համատեղ կազմակերպվել է հարակից միջոցառում՝ «Մարդու իրավունքների իրականացման գործում համակարգվածության և հետևողականության բարելավումը թվային գործիքակազմի միջոցով» խորագրի ներքո։

Միջոցառմանը բացման խոսքով հանդես է եկել ՀՀ ԱԳ նախարար Արարատ Միրզոյանը։ Իր խոսքում նախարար Միրզոյանն ընդգծել է, որ մարդու իրավունքների պաշտպանության գործընթացը պահանջում է արտահայտված ամուր քաղաքական կամքի և գործնական քայլերի արդյունավետ համադրություն, ինչն իր արտահայտությունն է ստանում ՀՀ կառավարության կողմից իրականացվող ժողովրդավարական բարեփոխումների նախաձեռնություններում։

Հաջորդիվ կայացել է պանելային քննարկում ՀՀ ԱԳ նախարարի տեղակալ Ռոբերտ Աբիսողոմոնյանի, Մարդու իրավունքների դանիական ինստիտուտի, ՄԱԿ երեխաների իրավունքների հարցերով կոմիտեի, ՄԱԿ մարդու իրավունքների բարձր հանձնակատարի գրասենյակի ներկայացուցիչների մասնակցությամբ։ Իր ելույթում նախարարի տեղակալը ներկայացրել է ՀՀ կողմից մշակված՝ Հայաստանի՝ մարդու իրավունքների ոլորտում միջազգային հաշվետվողականության ամրապնդման ազգային մեխանիզմի նոր թվային գործիքը` ԱԻ-ՆԵՄՐԱ-ն։

Ministry of Foreign Affairs of the Republic of Armenia published this content on February 24, 2026, and is solely responsible for the information contained herein. Distributed via Public Technologies (PUBT), unedited and unaltered, on February 24, 2026 at 19:13 UTC. If you believe the information included in the content is inaccurate or outdated and requires editing or removal, please contact us at [email protected]