ICETRA - Icelandic Transport Authority

10/13/2026 | Press release | Distributed by Public on 10/13/2026 03:41

Námskeið fyrir prófdómara árið 2027

Námskeið fyrir prófdómara árið 2027

Hlusta

13. október 2026

Árið 2027 mun Samgöngustofa halda námskeið fyrir prófdómara flugskírteina á fjölstjórnarvélar (TRE/SFE/CRE) þann 18. mars og 16. september. Námskeið fyrir einstjórnarvélar (FE) verður haldið þann 4. mars.

Námskeiðin verða haldin í húsnæði Samgöngustofu, Ármúla 2, frá kl. 9:00-17:00.

Skilyrði fyrir endurnýjun/framlengingu prófdómararéttinda er að umsækjandi hafi setið prófdómaranámskeið á síðastliðnum 12 mánuðum. Skráning prófdómara á fjölstjórnarvélar (TRE/SFE/CRE) þarf að berast frá þeim flugrekanda eða þjálfunaraðila sem viðkomandi mun nýta réttindi sín hjá.

Vinsamlega sendið skráningu með tölvupósti á netfangið [email protected] eigi síðar en tveimur vikum fyrir áætlaðan námskeiðsdag. Hámarks fjöldi á námskeiðið er 20 manns. Samgöngustofa áskilur sér rétt til að velja inn á námskeiðið eftir gildistíma réttinda ef til þess kemur að fleiri en 20 skrái sig. Við skráningu þarf að tilgreina nafn þátttakanda, skírteinisnúmer, tölvupóstfang og nafn flugrekanda (ef við á).

Þátttakendur eru beðnir að hafa með sér fartölvu á námskeiðið, ef mögulegt.

Námskeiðsgjaldið er samkvæmt gildandi gjaldskrá Samgöngustofu. Innifaldar eru veitingar meðan á námskeiði stendur.

ICETRA - Icelandic Transport Authority published this content on October 13, 2026, and is solely responsible for the information contained herein. Distributed via Public Technologies (PUBT), unedited and unaltered, on October 13, 2026 at 09:41 UTC. If you believe the information included in the content is inaccurate or outdated and requires editing or removal, please contact us at [email protected]