Ministry of Foreign Affairs of the Republic of Armenia

02/24/2026 | Press release | Distributed by Public on 02/24/2026 08:29

Կայացել է «Մայլեռ ձմեռային խաղեր 2026․ դիվանագիտությունը լեռներում» միջոցառումը

Կայացել է «Մայլեռ ձմեռային խաղեր 2026․ դիվանագիտությունը լեռներում» միջոցառումը

24 փետրվարի, 2026

​Փետրվարի 21-ին «Մայլեռ Մաունթին Ռեզորթ» լեռնադահուկային համալիրում կայացել է «Մայլեռ ձմեռային խաղեր 2026․ դիվանագիտությունը լեռներում» խորագրով միջոցառումը, որը կազմակերպվել էր ​ՀՀ արտաքին գործերի նախարարության և «Մայլեռի» կողմից համատեղ՝ համախմբելով Հայաստանում հավատարմագրված օտարերկրյա դեսպանությունների և միջազգային կազմակերպությունների շուրջ 130 ներկայացուցչի:

Միջոցառման նպատակն էր սպորտային դիվանագիտության միջոցով խթանել գործընկերային կապերի ամրապնդումը, ինչպես նաև միջազգային հանրությանը ներկայացնել Հայաստանի զբոսաշրջային գրավչությունն ու ձմեռային հանգստի հնարավորությունները:

​Ողջույնի խոսքով հանդես են եկել ՀՀ արտաքին գործերի նախարարի տեղակալ Վահան Կոստանյանը և «Մայլեռ Մաունթին Ռեզորթ» համալիրի հիմնադիր Տիգրան Հարությունյանը: ​Իր ելույթում նախարարի տեղակալ Կոստանյանը նշել է. «Ինձ համար «Մայլեռը» լավ օրինակ է առ այն, որ մենք կարող ենք հավակնոտ նախագծեր իրականացնել Հայաստանում, և Հայաստանի կառավարությունը լիարժեքորեն աջակցում է այս ենթակառուցվածքների զարգացմանը և ընդհանուր էկոհամակարգին։ Մենք շատ հպարտ ենք բոլորիդ այստեղ տեսնելու համար և շնորհակալ ենք գործընկերներին «Դիվանագիտությունը լեռներում» միջոցառումը կազմակերպելու համար»:

Միջոցառման ընթացքում անցկացվել են լեռնադահուկային սպորտի և սնոուբորդի մրցումներ կանանց ու տղամարդկանց անվանակարգերում:

Ministry of Foreign Affairs of the Republic of Armenia published this content on February 24, 2026, and is solely responsible for the information contained herein. Distributed via Public Technologies (PUBT), unedited and unaltered, on February 24, 2026 at 14:29 UTC. If you believe the information included in the content is inaccurate or outdated and requires editing or removal, please contact us at [email protected]