Ministry for the Economy, Enterprise and Strategic Projects of the Republic of Malta
Ministry for the Economy, Enterprise and Strategic Projects of the Republic of Malta
01/24/2026 | Press release | Distributed by Public on 01/25/2026 10:21
STQARRIJA MILL-MINISTERU GĦALL-INTERN, IS-SIGURTÀ U X-XOGĦOL Twissija ta’ livell medju
Il-Ministeru għall-Intern, is-Sigurtà u x-Xogħol jinforma lill-pubbliku bl-avviż mid-Dipartiment tal-Protezzjoni Ċivili:
Id-Dipartiment tal-Protezzjoni Ċivili javża li għada t-Tnejn 26 ta' Jannar inħarġet twissija tat-temp ta' livell medju (yellow weather warning).
Il-kundizzjonijiet tat-temp huma mistennija jaqilbu għall-agħar mis-sigħat bikrin tat-Tnejn, bejn l-1:00 u l-4:00 ta' filgħodu, b'riħ li jissaħħaħ matul il-lejl u matul il-jum, u li jista' jilħaqForza 7 (Qawwa ta' Grigalata) f'ċerti ħinijiet. Huwa mistenni wkoll baħar qawwi u xita ħafifa.
Il-pubbliku huwa mħeġġeġ biex:
• Jeżerċita kawtela akbar, b'mod partikolari matul is-sigħat ta' filgħodu u ta' matul il-jum
• Ipoġġi b'mod sigur affarijiet li qegħdin fuq barra
• Jibqa' attent għal bidliet fil-kundizzjonijiet tat-temp
• Isegwi l-istruzzjonijiet u l-avviżi uffiċjali maħruġa mill-awtoritajiet
• Iċempel 112 f'każ ta' emerġenza.
Id-Dipartiment tal-Protezzjoni Ċivili huwa preparat għal kull assistenza u qed ikompli jsegwi s-sitwazzjoni mill-qrib f'kordinazzjoni ma' servizzi oħra ta' emerġenza.
Aktar aġġornamenti se jinħarġu jekk il-kundizzjonijiet jinbidlu.
Il-Ministru Byron Camilleri filwaqt li rringrazzja lill-ħaddiema kollha li wettqu u qegħdin iwettqu ħidma b'rabta mal-maltemp appella biex għal darb'oħra l-pubbliku jikkopera u jsegwi dawn il-prekawzjonijiet.
Ministry for the Economy, Enterprise and Strategic Projects of the Republic of Malta published this content on January 24, 2026, and is solely responsible for the information contained herein. Distributed via Public Technologies (PUBT), unedited and unaltered, on January 25, 2026 at 16:21 UTC. If you believe the information included in the content is inaccurate or outdated and requires editing or removal, please contact us at [email protected]