'ТҮРЭЭСЛЭЭД ӨМЧЛӨХ ОРОН СУУЦАНД ХАМРУУЛАХ МАТЕРИАЛ ХҮЛЭЭН АВНА'

Дорноговь аймгийн зорилтот бүлгийн иргэдийг түрээсийн орон сууцанд хамруулах журам"-ын хэрэгжилтийг хангах хүрээнд зорилтот бүлгийн иргэдийг түрээслээд өмчлөх орон сууцанд хамрагдах хүсэлтэй иргэдээс материал хүлээн авна.

Материал хүлээн авах хугацаа: 2026 оны 08 дугаар сарын 31-ний өдрийн 08:00 цагаас 2026 оны 09 дүгээр сарын 14-ний өдрийн 17:00 цаг хүртэл

Материал хүлээн авах газар:

Сайншанд сумын Засаг даргын Тамгын газрын 116 тоот өрөө

Сонгон шалгаруулалт: 2026 оны 09 дүгээр сарын 15-30-ны өдрийн хооронд Дорноговь аймгийн Сайншанд суманд зохион байгуулагдана.

Зорилтот бүлэгт:

-Залуу гэр бүл

-Төрийн албан хаагч

-Ахмад настан

-Хөгжлийн бэрхшээлтэй иргэн

-Өрх толгойлсон эцэг эх,

-Олон хүүхэдтэй иргэн

-Малчин иргэд хамаарна.

Тавигдах шаардлага:

Түрээслээд өмчлөх орон сууцанд хамрагдах хүсэлтэй иргэн дараах шаардлагыг хангасан байна. Үүнд:

-Дорноговь аймагт 5 болон түүнээс дээш жил амьдарсан, байнга оршин суугч, эрх зүйн бүрэн чадамжтай, 21 насанд хүрсэн иргэн байх;

-Орон сууцны урьдчилгаа төлбөр, сар бүрийн түрээсийн төлбөр болон ашиглалтын бусад зардлыг төлөх боломжтой, тогтмол орлоготой байх;

-Сар бүр төлөх түрээсийн төлбөрийн хэмжээ нь өрхийн сарын нийт орлогын 45 хувиас хэтрэхгүй байх;

-Орон сууц хувьчлах тухай хуулийн дагуу төрийн өмчийн орон сууцыг хувьчилж аваагүй байх;

-Банк, санхүүгийн байгууллагад хугацаа хэтэрсэн өргүй, шүүхийн шийдвэрийн дагуу төлөх өр, төлбөрийн үүрэг хүлээгээгүй байх;

-Төрөөс хэрэгжүүлсэн орон сууцны хөнгөлөлттэй зээлийн хөтөлбөрт өмнө нь хамрагдаагүй байх;

-Төрийн албан хаагч бол тухайн байгууллагадаа 5-аас дээш жил тогтвор суурьшилтай ажилласан байх;

-Гэр хороололд амьдардаг бөгөөд инженерийн хангамж бүхий өөрийн өмчлөлийн орон сууцгүй, эсхүл ийм орон сууц өмчилж байгаагүй байх.

Түрээслээд өмчлөх орон сууцанд хамрагдах хүсэлтэй иргэн дараах баримт бичгийг бүрдүүлнэ. Үүнд:

1.Иргэний үнэмлэхийн хуулбар буюу цахим лавлагаа /гэр бүлийн гишүүн бүрийн/;

2.Оршин суугаа хаяг, ам бүлийн тодорхойлолт /тухайн багт хэдий хугацаанд амьдарч байгааг тодорхойлсон байх/ болон улсын бүртгэлийн цахим лавлагаа;

3.Түрээсийн орон сууцанд хамрагдах хүсэлтээ илэрхийлсэн хувийн өргөдөл;

4.Орлогоо нотлох баримт бичиг:

-Цалингийн тодорхойлолт;

-Нийгмийн даатгалын лавлагаа;

-Тэтгэвэр, тэтгэмжийн дэвтэр эсхүл лавлагаа;

-Хувиараа хөдөлмөр эрхэлдэг бол татварын тайлан, лавлагаа;

-Орлого олж байгааг нотлох бусад баримт бичиг;

5.Өөрийн өмчлөлийн инженерийн бүрэн хангамжтай, бие даасан тохилог сууц эсхүл нийтийн зориулалттай орон сууцгүй болохыг тодорхойлсон эд хөрөнгийн эрхийн улсын бүртгэлийн лавлагаа.

Дээрх шаардлага нь дараах иргэнд хамаарахгүй:

-Ашиглалтын шаардлага хангахгүй, нураах тухай эрх бүхий байгууллагын дүгнэлт гарсан орон сууц өмчлөгч;

-18 насанд хүрээгүй байхдаа гэр бүлийн гишүүдийн хамт орон сууц өмчилж байсан иргэн;

6.Зээлийн мэдээллийн санд хугацаа хэтэрсэн зээлийн үлдэгдэлгүй тухай тодорхойлолт;

7.Төлбөртэй этгээдийн бүртгэлд бүртгэгдээгүй тухай шүүхийн шийдвэр гүйцэтгэх байгууллагын тодорхойлолт;

8.Татвар болон нийгмийн даатгалын шимтгэлийн хугацаа хэтэрсэн өргүй тухай тодорхойлолт;

9.Залуу гэр бүл бол:

-Гэрлэлтийн гэрчилгээний хуулбар;

-Хүүхдийн төрсний гэрчилгээний хуулбар;

-Эсхүл эдгээрийн цахим лавлагаа;

10.Хөгжлийн бэрхшээлтэй иргэн бол:

-Халамжийн дэвтэр;

-Хөдөлмөрийн чадвар алдалтын хувь хэмжээ тогтоосон акт;

-Эрх бүхий байгууллага буюу Эмнэлэг, хөдөлмөрийн магадлах комиссын лавлагаа;

11.18 хүртэлх насны дөрөв ба түүнээс дээш хүүхэдтэй гэр бүл бол хүүхдүүдийн төрсний гэрчилгээний хуулбар, холбогдох баримт бичиг эсхүл цахим лавлагаа;

12.Өрх толгойлсон эцэг, эх бол:

-Өрх толгойлсон эцэг, эх болохыг нотлох баримт бичиг;

-Хүүхдийн төрсний гэрчилгээний хуулбар;

-Холбогдох бусад баримт бичиг;

-Эрх бүхий байгууллагаас гаргасан лавлагаа;

13.Банк, санхүүгийн байгууллагад зээлийн төлбөрийн үлдэгдэлтэй бол тухайн байгууллагын зээлийн тодорхойлолт. Зээлийн төлбөрийг төлсний дараах өрхийн үлдэх орлого нь журамд заасан орлогын шалгуурыг хангасан байна.

-Холбоо барих утас:

-Материал хүлээн авах: 91213311

-Зөвлөгөө мэдээлэл өгөх: 91995662, 99206066, 88954115