Ministry of Finance of the Republic of Armenia

05/06/2026 | Press release | Distributed by Public on 05/06/2026 02:26

ՀՀ ֆինանսների նախարարի տեղակալ, ԱԶԲ փոխկառավարիչ Էդգար Մկրտչյանի գլխավորած պատվիրակությունը Ասիական զարգացման բանկի (ԱԶԲ) 59-րդ տարեկան համաժողովի շրջանակներում մի շարք երկկողմ[...]

ՀՀ ֆինանսների նախարարի տեղակալ, ԱԶԲ փոխկառավարիչ Էդգար Մկրտչյանի գլխավորած պատվիրակությունը Ասիական զարգացման բանկի (ԱԶԲ) 59-րդ տարեկան համաժողովի շրջանակներում մի շարք երկկողմ հանդիպումներ է ունեցել Բանկի բարձրաստիճան ղեկավարության

ՀՀ ֆինանսների նախարարի տեղակալ, ԱԶԲ փոխկառավարիչ Էդգար Մկրտչյանի գլխավորած պատվիրակությունը Ասիական զարգացման բանկի (ԱԶԲ) 59-րդ տարեկան համաժողովի շրջանակներում մի շարք երկկողմ հանդիպումներ է ունեցել Բանկի բարձրաստիճան ղեկավարության, այդ թվում՝ ԱԶԲ փոխնախագահ Յինգմին Յանգի, Կենտրոնական և Արևմտյան Ասիայի դեպարտամենտի գլխավոր տնօրեն Լեա Գուտիերեսի և ԱԶԲ գործադիր տնօրեն Սիպտո Վիդարտո Պարջիոնոյի հետ։

Հանդիպումների ընթացքում բարձր է գնահատվել Հայաստանի և ԱԶԲ-ի միջև ձևավորված արդյունավետ գործընկերության 20-ամյա ուղին, որի շրջանակում 2005 թվականից ի վեր Բանկը Հայաստանում իրականացրել է մեծածավալ ներդրումներ։

Կողմերն անդրադարձել են 2026-2030թթ. Հայաստանի համար ԱԶԲ գործընկերության ռազմավարության առաջնահերթություններին։

Այս համատեքստում Էդգար Մկրտչյանը ներկայացրել է «Խաղաղության խաչմերուկ» նախաձեռնությունը՝ որպես տարածաշրջանային կապերի ամրապնդման, պատմական առևտրային ուղիների վերականգնման և վստահության հաստատման առաջնահերթություն։ Առանձնակի անդրադարձ է կատարվել թվային տրանսֆորմացիային, տնտեսության կանաչ զարգացմանը, ինչպես նաև պետություն-մասնավոր գործընկերության (ՊՄԳ) շրջանակների ընդլայնմանն ու մասնավոր կապիտալի մոբիլիզացմանը։

Հանդիպումների ավարտին հայկական կողմը վերահաստատել է Հայաստանի պատրաստակամությունը՝ ամրապնդելու համագործակցությունը ԱԶԲ-ի հետ ներդրումային ոլորտում և մասնավոր հատվածի զարգացման ուղղությամբ։

Ministry of Finance of the Republic of Armenia published this content on May 06, 2026, and is solely responsible for the information contained herein. Distributed via Public Technologies (PUBT), unedited and unaltered, on May 06, 2026 at 08:26 UTC. If you believe the information included in the content is inaccurate or outdated and requires editing or removal, please contact us at [email protected]