STQARRIJA MILL-MINISTERU GĦALL-INTERN, IS-SIGURTÀ U X-XOGĦOL Twissija ta’ livell aħmar

Il-Ministeru għall-Intern, is-Sigurtà u x-Xogħol jinforma lill-pubbliku bl-avviż mid-Dipartiment tal-Protezzjoni Ċivili:

Id-Dipartiment tal-Protezzjoni Ċivili javża li llum inħarġet twissija tat-temp ta' livell aħmar (red weather warning), li jibqa' fis-seħħ sas-sitta ta' filgħodu ta' għada, il-Ġimgħa 13 ta' Frar.

Il-kundizzjonijiet tat-temp huma mistennija jilħqu Forza 8 sa 10 f'ċerti ħinijiet, flimkien ma' baħar qawwi.

Għalhekk, il-pubbliku huwa mħeġġeġ biex:

•⁠ ⁠Jeżerċita kawtela akbar

•⁠ Affarijiet li qegħdin fuq barra, mhuwiex sigur li wieħed jirranġahom waqt li din it-twissija tkun fis-seħħ

•⁠ ⁠Jibqa' attent għall-bidliet fil-kundizzjonijiet tat-temp

•⁠ ⁠Isegwi l-istruzzjonijiet u l-avviżi uffiċjali maħruġa mill-awtoritajiet

•⁠ ⁠Iċempel 112 f'każ ta' emerġenza

Id-Dipartiment tal-Protezzjoni Ċivili huwa preparat għal kull assistenza u qed ikompli jsegwi s-sitwazzjoni mill-qrib f'koordinazzjoni ma' servizzi oħra ta' emerġenza.

Aktar aġġornamenti se jinħarġu jekk il-kundizzjonijiet jinbidlu.

Il-Ministru Byron Camilleri tenna għal darb'oħra l-appell biex kulħadd isegwi l-miżuri ta' prekawzjoni filwaqt li ta s-serħan il-moħħ li l-Korpi Dixxiplinati huma dejjem preparati biex jassistu lill-familji filwaqt li rringrazzjahom tal-ħidma imprezzabbli li dejjem iwettqu.​

​